‘सीएसके त्याचे कुटुंब आहे, बंदी उठल्यानंतर आनंदात होता माही’, इंग्लंडच्या दिग्गजाची मोठी प्रतिक्रिया

एमएस धोनीला भारतीय संघाच्या सर्वोत्तम कर्णधारांपैकी एक मानले जाते. आयपीएल फ्रँचायझी चेन्नई सुपर किंग्जने त्याच्या नेतृत्वात चार आयपीएल ट्रॉफी जिंकल्या आहेत. जेव्हा कधी चेन्नई संघाचा उल्लेख होते, तेव्हा धोनीचे नाव हे नक्कीच घेतले जाते. आयपीएलमध्ये धोनीला सीएसकेव्यतिरिक्त रायजिंग पुणे सुपर जायंट्स संघाचे नेतृत्व आणि प्रतिनिधित्व करण्याची देखील संधी मिळाली आहे. इंग्लंडचा माजी दिग्गज केविन पीटरसनने आता पुणे संघासोबत धोनीच्या आठवणींचा खुलासा केला आहे.

चेन्नई सुपर किंग्जवर आयपीएल २०१५ नंतर पुढच्या दोन हंगामांमध्ये बंदी घातली गेली होती. याच कारणास्तव एमएस धोनी (MS Dhoni) या दोन हंगामांमध्ये रायजिंग पुणे सुपर जायंट्स संघाकडून खेळला होता. त्याने २०१६मध्ये पुणे संघाचे नेतृत्व केले, तर पुढच्या हंगामात संघात फक्त खेळाडूच्या रूपात सहभागी झाला. आयपीएल २०२२दरम्यान समालोचकाची भूमिका पार पाडणाऱ्या केविन पीटरसन (Kevin Pietersen) याने मान्य केले की, धोनीने त्या दोन हंगामात एका व्यावसायिक खेळाडूच्या रूपात त्याचे १०० टक्के योगदान दिले. पीटरसनच्या मते सीएसकेने २०१८ साली जेव्हा स्पर्धेत पुनरागमन केले, तेव्हा धोनी खूप उत्साहित होता.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा