38 वर्षीय कायरन पोलार्ड सध्या कॅरिबियन प्रीमियर लीग 2025 मध्ये खेळत आहे, जिथे तो ट्रिनबागो नाईट रायडर्स संघाचा भाग आहे. ज्यात तो चांगली कामगिरी देखील करत आहे. ट्रिनबागो संघाने बार्बाडोस रॉयल्स संघाचा 7 विकेट्सने पराभव केला आहे. या सामन्यात बार्बाडोस संघाने प्रथम फलंदाजी करत 178 धावा केल्या. नंतर ट्रिनबागो संघासाठी कॉलिन मुनरो आणि निकोलस पूरन यांनी अर्धशतके झळकावली. या दोघांच्या खेळीमुळे संघाने विजय मिळवला.
बार्बाडोस रॉयल्स विरुद्ध खेळताना, पोलार्डने 9 चेंडूत एकूण 19 धावा केल्या, ज्यामध्ये दोन चौकार आणि एक षटकार होता. त्याला टी20 क्रिकेटमध्ये 14000 धावा पूर्ण करण्यासाठी फक्त 19 धावा हव्या होत्या. ज्या त्याने एक छोटी खेळी खेळून पूर्ण केल्या. पोलार्ड टी20 क्रिकेटमध्ये 14000 किंवा त्याहून अधिक धावा करणारा फक्त दुसरा फलंदाज बनला आहे. त्याच्या आधी ख्रिस गेल (14562 धावा) ने असे केले आहे.
कायरन पोलार्ड कॅरिबियन प्रीमियर लीग 2025 च्या आगामी हंगामात चांगली कामगिरी करत आहे. त्याने सेंट लुसिया किंग्ज विरुद्ध अर्धशतकही झळकावले. त्याने 65 धावांची खेळी खेळली आणि संघाला स्वतःच्या बळावर विजय मिळवून दिला. पोलार्डने वेस्ट इंडिज संघासाठी टी20 क्रिकेटमध्ये एकूण 101 सामने खेळले. त्यानंतर तो आयपीएल, पाकिस्तान सुपर लीग, बांगलादेश प्रीमियर लीग, बीबीएल आणि एसए20 मध्येही खेळला आहे. या दरम्यान, त्याने टी20 क्रिकेटच्या 712 सामन्यांमध्ये एकूण 14000 धावा केल्या आहेत, ज्यामध्ये एक शतक आणि 64 अर्धशतकांचा समावेश आहे.
पोलार्ड खालच्या फळीत स्फोटक फलंदाजी करण्यासाठी ओळखला जातो आणि एकदा तो क्रिजवर सेट झाला की त्याच्या बॅटमधून एक मोठी खेळी नक्कीच येते. याशिवाय तो चांगली गोलंदाजी देखील करतो. त्याने टी20 क्रिकेटमध्ये 332 विकेट्स घेतल्या आहेत. त्याचे क्षेत्ररक्षणही अतुलनीय आहे.
