भारतीय खेळाडू केएल राहुल आणि बॉलिवूड अभिनेत्री आथिया शेट्टी दोघेही मंगळवारी (दि. 23 जानेवारी) विवाहबद्ध झाले आहे. आथिया ही अभिनेता सुनील शेट्टी यांची कन्या. सुनील शेट्टी यांच्या खंडाळ्यातील बंगल्यावर हा शाही विवाह सोहळा निवडक कुटुंबातील सदस्य आणि मित्र परिवाराच्या उपस्थितीत पार पडला. लग्न पार पडल्यानंतर सोशल मिडियावर फोटोंची सर्वत्र चर्चा सुरु आहेच. मात्र, त्याहून अधिक चर्चेचा विषय ठरत आहेत लग्नात मिळणाऱ्या भेटवस्तू. चर तर आपण जाणून घेऊ राहुल आणि आथियाला लग्नात काय खास भेटवस्तू मिळाली.
केएल राहुल (KL Rahul) आणि अथिया शेट्टी (Athiya Shetty) यांची पहिली भेट 2019 मध्ये एका कॉमन फ्रेंडद्वारे झाली होती. यानंतर दोघांचे बोलणे सुरू झाले. काही काळानंतर दोघे खूप चांगले मित्र बनले आणि हळूहळू या मैत्रीचे रुपांतर प्रेमात झाले. राहुल आणि आथियाच्या लग्नात त्यांच्या कुटुंबातील सदस्यांनी तसेच मित्रमैत्रिणींनी वेगवेगळ्या अनोख्या भेटवस्तू दिल्या आहेत. लग्नात बॉलिवुड आणि क्रिकेटमधील काही दिग्गजांनी या लग्नसोहळ्यात उपस्थिती दर्शवत नवजोडप्याला आशिर्वाद दिले. पण भारतीय क्रिकेटर विराट कोहली, रोहित शर्मा, हार्दिक पंड्या वनडे मालिकेमुळे लग्नात येऊ शकले नाही.
असे असले तरी, विराट कोहली (Virat Kohli) आणि माजी भारतीय कर्णधार एमएस धोनी (MS Dhoni) आपल्या सहकारी खेळाडूला लग्नानंतर भेटवस्तू द्यायला विसरले नाही. अस सांगितले जात की, विराटने त्याच्या मित्रासाठी एक बीएमडबल्यू कार भेट म्हणून दिली. या कारची किंमत 2.17 कोटींची आहे. विराटप्रमाणे महेंद्र सिंग धोनीही लग्नात उपस्थिती नव्हता, पण भेटवस्तू आठवणीने पाठवली आहे. धोनीने कावासाकी निंजा बाइक राहुलला भेट म्हणुन दिली आहे. या बाइकची किंमत 80 लाख रुपये आहे.
वृत्तानुसार सुनील शेट्टी (Sunil Shetty) याने मुलगी आणि जावयाला मुंबईत एक आलिशान अपार्टमेंटही भेट म्हणून दिले आहे. ज्याची किंमत सुमारे 50 कोटी रुपये आहे. तर सलमान खान (Salman Khan) याने ऑडी आणि जॅकी श्रॉफ (Jackie Shroff) याने महागडे घड्याळ दिले आहे. लग्नानंतर राहुलने आपली प्रेमकथा यशस्वी करणाऱ्या सर्वांचे आभार मानले. (KL Rahul & Athiya Shetty get Expensive Gifts on Wedding)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
वैदिक पद्धतीने बांधली राहुल-आथियाने सात जन्माची गाठ; नवदांपत्याचे फोटोज् आले समोर
BREAKING: अखेर राहुल झाला आण्णाचा जावई! आथियाशी बांधली लग्नगाठ
