नताशा स्टॅनकोविच पूर्वी हार्दिक पांड्यानं ‘या’ सेलिब्रिटींना डेट केलं होतं, जाणून घ्या

मुंबई इंडियन्सचा नवा कर्णधार हार्दिक पांड्यासाठी आयपीएलचा हा हंगाम काही खास राहिला नाही. त्याच्या नेतृत्वाखाली मुंबई इंडियन्सची कामगिरी अत्यंत खराब राहिली. मुंबईच्या खराब कामगिरीमुळे हार्दिक खूप ट्रोलिंगचाही बळी ठरला.

या सगळ्यात आता हार्दिकच्या अडचणींमध्ये आणखी वाढ झाली आहे. हार्दिक पांड्या आणि त्याची पत्नी नताशा स्टॅनकोविच यांच्या घटस्फोटाच्या बातम्यांना सोशल मीडियावर पेव फुटला आहे. हे सगळं समोर तेव्हा आलं, जेव्हा नताशा स्टॅनकोविचनं तिच्या इंस्टाग्रामवरून ‘पांड्या’ हे आडनाव काढून टाकलं. मात्र, आतापर्यंत या दोघांच्या घटस्फोटाबाबत कोणतही अधिकृत वक्तव्य आलेलं नाही.

सार्बियाची अभिनेत्री मॉडेल नताशा स्टॅनकोविचनं कोविड दरम्यान क्रिकेटपटू हार्दिक पांड्यासोबत साधं लग्न केलं होतं. त्यानंतर 2023 साली दोघांनी राजस्थानमध्ये हिंदू रितीरिवाज आणि ख्रिश्चन रितीरिवाजांनुसार एका शानदार सोहळ्यात लग्न केलं. हार्दिक आणि नताशा यांना ‘अगस्त्य’ नावाचा मुलगा आहे. अगस्त्यचा जन्म 30 जुलै 2020 रोजी झाला होता. तर हार्दिक आणि नताशाचं लग्न 31 मे 2020 रोजी झालं होतं. या बातमीद्वारे जाणून घ्या, नताशा स्टॅनकोविचच्या आधी हार्दिक पांड्यानं कोणकोणत्या सेलिब्रिटींना डेट केलं होतं.

१) लिसा शर्मा – नताशा स्टॅनकोविचपूर्वी हार्दिक पांड्यानं 2016 साली कोलकाताची मॉडेल लिसा शर्माला डेट केलं होतं. परंतु दोघांनीही आपल्या करिअरवर लक्ष केंद्रित करण्यासाठी ब्रेकअप करण्याचा निर्णय घेतला. हार्दिक पांड्यानं 2017 च्या व्हॅलेंटाईन डेला त्यांचं ब्रेकअप झाल्याचं जाहीर केलं होतं.

2) एली एवराम – हार्दिक आणि एली एवराम फार कमी काळ रिलेशनशिपमध्ये होते. 2018 साली बिग बॉस 7 फेम एली एवराम आणि हार्दिक यांच्या अफेअरची बातमी समोर आली होती. हार्दिकच्या भावाच्या लग्नात एली दिसली होती. पण काही काळानंतर दोघांमध्ये काहीतरी खटकलं आणि त्यांनी एकमेकांसोबत ब्रेकअप करण्याचा निर्णय घेतला.

३) उर्वशी रौतेला – या यादीत बॉलिवूड अभिनेत्री उर्वशी रौतेलाचेही नाव आहे. हार्दिक पांड्या आणि उर्वशी रौतेला उद्योगपती गौतम सिंघानियाच्या पार्टीत भेटले होते. त्यावेळी दोघांना एकत्र पाहून त्यांच्या नात्याची बरीच चर्चा झाली होती.

महत्त्वाच्या बातम्या – 

हार्दिक पांड्याच्या संपत्तीचा 70 टक्के हिस्सा घेणार नताशा? मुंबईच्या कर्णधाराची एकूण संपत्ती किती?

हार्दिक-नताशा वेगळे होणार? ‘या’ 4 क्रिकेटपटूंचाही झाला आहे घटस्फोट, जाणून घ्या

हार्दिक पांड्या आणि नताशा स्टॅनकोविच यांच्या नात्यात दुरावा? इंस्टाग्रामवरून आडनाव हटवल्यामुळे खळबळ!