क्रिकेट आणि सिनेसृष्टी यांचं फार घनिष्ठ नातं आहे. अनेकदा कलाकार मंडळी भारतीय संघाच्या किंवा आयपीएलमधील सामन्यांना हजेरी लावताना दिसतात. मात्र, आता भारतीय संघाचा माजी दिग्गज फलंदाज सचिन तेंडुलकर याने शुक्रवारी (दि. 1 डिसेंबर) रिलीज झालेल्या ‘सॅम बहादुर’ सिनेमाला हजेरी लावली. यावेळी त्याने सिनेमा कसा आहे, हेही सांगितले. यानंतर अभिनेता विकी कौशल याने खुश होऊन एक पोस्टही शेअर केली, जी आता चर्चेत आहे.
काय म्हणाला सचिन?
विकी कौशल (Vicky Kaushal) अभिनित सॅम बहादुर (Sam Bahadur) सिनेमा सर्वत्र चर्चेत आहे. विशेष म्हणजे, विकीने या सिनेमात साकारलेल्या भूमिकेचे जोरदार कौतुक केले जात आहे. अशात महान क्रिकेटपटू सचिन तेंडुलकर (Sachin Tendulkar) यानेही ‘सॅम बहादुर’ सिनेमाला हजेरी लावली. सिनेमा पाहून बाहेर पडताच त्याने माध्यमांशी संवाद साधताना विकी कौशल याचे तोंडभरून कौतुक केले. यावेळी विकी भावूक झाला आणि त्याने सोशल मीडियावर सचिनसोबतचा फोटो शेअर करत सर्वांचे लक्ष वेधले.
सचिन तेंडुलकर हा पत्नी अंजली तेंडुलकर (Anjali Tendulkar) हिच्यासोबत सिनेमा पाहायला गेला होता. त्यांनी सिनेमाच्या स्क्रीनिंगवर विकीसोबत पोझही दिले. स्क्रीनिंगनंतर सचिन सिनेमा आणि विकीचे कौतुक करत म्हणाला, “हा खूपच चांगला सिनेमा आहे. मी विकीच्या अभिनयाने खूपच प्रभावित झालो. खरंच असं वाटलं की, जसे मार्शल सॅम मानेकशॉ उपस्थित होते. बॉडी लँग्वेज खूपच अविश्वसनीय होती. हा आमच्या देशाचा इतिहास सर्व पिढ्यांनी पाहण्याजोगा एक महत्त्वाचा सिनेमा आहे.”
विकी कौशल हा सचिनने त्याचा सिनेमा पाहिल्यामुळे खूपच खुश झाला. त्याने सोशल मीडियावर सचिनसोबतचा फोटो शेअर करत लिहिले की, “माझ्या बालपणीच्या हिरोने आज माझा सिनेमा पाहिला. मी ठीक आहे. तुमच्या सुंदर शब्दांसाठी खूप खूप धन्यवाद सचिन सर. मी त्यांना आयुष्यभर लक्षात ठेवेल.”
View this post on Instagram
अशात विकीच्या या पोस्टवर चाहत्यांकडून प्रेमाचा वर्षाव होत आहे. या फोटोला आतापर्यंत 14 लाखांहून अधिक लाईक्स आणि 1 हजाराहून अधिक कमेंट्स मिळाल्या आहेत.
सचिनची कारकीर्द
सचिन तेंडुलकरबद्दल बोलायचं झालं, त्याला आज कोणत्याही परिचयाची गरज नाहीये. त्याने त्याच्या कारकीर्दीत आतापर्यंत अनेक विक्रम त्याच्या नावावर केले आहेत. सचिनने आंतरराष्ट्रीय क्रिकेटमध्ये 100 शतके झळकावण्याचा विक्रम केला आहे. सचिनने 200 कसोटी सामन्यात 15921 धावा, 463 वनडे सामन्यात 18426 धावा आणि 1 टी20त 10 धावा केल्या आहेत. सचिनच्या नावावर कसोटीत 51 शतके, तर वनडेत 49 शतकांची नोंद आहे. (legendary cricketer sachin tendulkar praised vicky kaushal after watching sam bahadur vicky kaushal shared post)
हेही वाचा-
दुखापतीमुळे वेदनेने विव्हळत होता पाकिस्तानी स्टार खेळाडू, स्ट्रेचर नसल्यामुळे आली पाठीवर नेण्याची वेळ- Video
बॉलिंग अशी करा की, रेकॉर्डच झाला पाहिजे! 23 वर्षीय बिश्नोईने केली थेट अश्विनच्या ‘त्या’ विक्रमाची बरोबरी
