आयपीएल 2025 साठी कोलकाता नाइट रायडर्स (केकेआर) संघाने अनुभवी फलंदाज अजिंक्य रहाणेला कर्णधार म्हणून नियुक्त केले आहे. श्रेयस अय्यरच्या पंजाब किंग्जकडे जाण्यामुळे ही कर्णधारपदाची जबाबदारी रहाणेकडे आली आहे. तसेच, वेंकटेश अय्यरला उपकर्णधार नेमले गेले आहे. या बातमीद्वारे जाणून घेऊयात आजपर्यंत केकेआरचे एकूण किती कर्णधार झाले आहेत.
केकेआरच्या कर्णधारांची यादी (2008-2025)
- सौरव गांगुली (2008-2010)
- ब्रेंडन मॅक्युलम (2009 – काही सामने)
- गौतम गंभीर (2011-2017) – 2 वेळा विजेते (2012, 2014)
- दिनेश कार्तिक (2018-2020)
- इयॉन मॉर्गन (2020-2021) – उपविजेते (2021)
- श्रेयस अय्यर (2022, 2023,2024)
- नितीश राणा (2023 – काही सामने, अंतरिम कर्णधार)
- अजिंक्य रहाणे (2025 – सध्याचा कर्णधार)
गौतम गंभीरच्या नेतृत्वाखाली केकेआरने 2012 आणि 2014 मध्ये आयपीएलचे विजेतेपद मिळवले होते. तो आजही केकेआरचा सर्वात यशस्वी कर्णधार मानला जातो. शिवाय मागील हंगामात श्रेयस अय्यरच्या नेतृत्वाखाली संघाने तिसऱ्यांदा जेतेपदावर नाव कोरले होते. अजिंक्य रहाणे आता संघाचे नेतृत्व करत असताना, कशी कामगिरी करणार याकडे सर्वांचे लक्ष असेल.
अजिंक्य रहाणेबद्दल बोलायचे झाल्यास, त्याने यापूर्वी मुंबई इंडियन्स, राजस्थान रॉयल्स, रायझिंग पुणे सुपरजायंट्स, दिल्ली कॅपिटल्स, चेन्नई सुपर किंग्स आणि कोलकाता नाईट रायडर्स या संघांचे प्रतिनिधित्व केले आहे. आयपीएलमधील त्याच्या 185 सामन्यांमध्ये, त्याने 2 शतकांसह 4,642 धावा केल्या आहेत.
आयपीएल 2025 साठी केकेआर संघ-
अजिंक्य रहाणे, रिंकू सिंह, मनीष पांडे, अंगकृष रघुवंशी, क्विंटन डी कॉक, रहमानुल्लाह गुरबाज, लवनीथ सिसोदिया, वेंकटेश अय्यर, आंद्रे रसेल, सुनील नरेन, मोईन अली, अनुकूल रॉय, रोवमैन पॉवेल, रमनदीप सिंह, एनरिक नॉर्टजे, वरुण चक्रवर्ती, उमरान मलिक, वैभव अरोरा, हर्षित राणा, स्पेंसर जॉनसन, मयंक मारकंडे
आयपीएल 2025 हंगामाची सुरुवात 22 मार्च रोजी कोलकाताच्या ईडन गार्डन्स मैदानावर रॉयल चॅलेंजर्स बंगळुरूविरुद्ध होणार आहे.
हेही वाचा-
चॅम्पियन्स ट्रॉफी 2025: सेमीफायनल सामने कुठे आणि कधी? संपूर्ण माहिती एका क्लिकवर!
पहिल्या सेमीफायनलमध्ये कोण मारणार बाजी? भारत की ऑस्ट्रेलिया? माजी क्रिकेटपटूची मोठी भविष्यवाणी
सेमीफायनल सामन्यासाठी ऑन-फिल्ड अंपायर्सची नावे जाहीर, थर्ड अंपायर म्हणून मायकेल गॉफची निवड
