भारतीय संघाचा कर्णधार विराट कोहली आणि त्याची पत्नी अभिनेत्री अनुष्का शर्मा यांना सोमवारी (११ जानेवारी) कन्यारत्न प्राप्त झाले आहे. मुंबईतील ब्रिज कँडी हॉस्पिटलमध्ये अनुष्काने एका गोंडस मुलीला जन्म दिला. विराटने सोशल मीडियावरुन चिमुकल्या पाहुणीच्या आगमनाची माहिती नेटकऱ्यांना दिली होती. यानंतर अनेकांना विरुष्काच्या नवजात मुलीच्या नामकरणाची आतुरता लागली असणार.
माध्यमांतील वृत्तांनुसार, विरुष्काच्या मुलीचे नाव त्यांच्या कुटुंबातील कोणती व्यक्ती ठेवणार नसून एक महाराज ठेवणार आहेत. त्यांचे नाव महाराज अनंत बाबा आहे.
विराट आणि अनुष्का यांची महाराज अनंत बाबा यांच्यावर खूप श्रद्धा आहे. त्यांनी लग्न करणे, घर खरेदी करणे अशा अनेक महत्त्वाच्या गोष्टींबाबत निर्णय घेण्यापुर्वी महाराज अनंत बाबा यांचा सल्ला घेतला आहे. त्यामुळे त्यांच्या पहिल्या बाळाच्या जन्मानंतर तिचे नाव ठेवण्याची जबाबदारी महाराज अनंत बाबा यांच्यावर असण्याची दाट शक्यता आहे.
विराटने केली खासगी जीवनाचा आदर राखण्याची विनंती –
विराटने त्याच्या घरी चिमुकल्या पाहुणीचे आगमन झाल्याची माहिती देताना लिहिले होते की, ‘आम्हाला सोमवारी दुपारी मुलगी झाली आहे. आम्ही सर्वांनी दिलेल्या प्रेमाचे आणि शुभेच्छांबद्दल आभार मानतो. अनुष्का आणि बाळाचे आरोग्य उत्तम आहे. आम्ही आमच्या आयुष्यातील या नवीन पर्वाची सुरुवात करण्यास उत्सुक असून आमच्या खासगी जीवनाचा आदर राखला जाईल अशी अपेक्षा करतो.’
— Virat Kohli (@imVkohli) January 11, 2021
काही महिन्यांपूर्वी दिली होती गोड बातमी –
विराट आणि अनुष्काने ऑगस्ट २०२० मध्ये सर्वांना नवीन पाहुणा येणार असल्याची गोड बातमी दिली होती. त्यांनी सोशल मीडियावर पोस्ट करत सांगितले होते की जानेवारी २०२१ मध्ये ते दोघेही पहिल्यांदाच आई-बाबा होणार आहेत.
विराटने घेतली पालकत्व रजा –
विराटने काही दिवसांपूर्वीच आपल्या बाळाचे आगमन होणार असल्याने पालकत्व रजा बीसीसीआयकडून मंजूर करुन घेतली होती. त्यामुळे तो ऑस्ट्रेलिया दौऱ्यातील वनडे, टी२० मालिका आणि कसोटी मालिकेतील पहिला सामना खेळून भारतात परतला होता. सध्या तो अनुष्काबरोबर असून त्याने म्हटले होते की त्याला त्याच्या आयुष्यातील या सुंदर क्षणांचा साक्षीदार व्हायचे आहे. या क्षणांना तो गमावू इच्छित नाही.
महत्त्वाच्या बातम्या-
‘विरुष्का’च्या मुलीचा पहिला फोटो? सोशल मीडियावर भन्नाट व्हायरल, पाहा
ब्रेकिंग! विराट कोहली बनला ‘बाप’माणुस; अनुष्काने दिला गोंडस मुलीला जन्म