ओ शेठ! मेस्सी रोनाल्डोच्या फॅनची अफलातून रिल्स, लाखो व्हूव्जचा पडतोय पाऊस

गेल्या काही दिवसात फुटबॉल विश्वात अनेक मोठे फेरबदल पाहायला मिळाले आहेत. फुटबॉल विश्व गाजवणारे दोन दिग्गज खेळाडू लिओनेल मेस्सी आणि ख्रिस्तियानो रोनाल्डो यांनी दुसऱ्या संघात प्रवेश केला आहे. या मोठ्या उलट फेरनंतर आता सोशल मीडियावर देखील चाहते आपल्या प्रतिक्रिया देत आहेत. दरम्यान, काही व्हिडिओस देखील सोशल मीडियावर प्रचंड व्हायरल होत आहेत.

गेल्या २२ वर्षांपासून मेस्सी स्पेनमधील प्रसिद्ध फुटबॉल क्लब बार्सिलोनाचा सदस्य होता. त्याचा करार जुलै महिन्यात संपुष्टात आला होता. त्यांनरही मेस्सीने बार्सिलोनामध्ये राहावे म्हणून क्लबने आतोनात प्रयत्न केले. मात्र, ला लीगा या स्पर्धेच्या नियमानुसार मेस्सीची करार रक्कम अगदीच कमी करता येत नसल्याने त्याला क्लब सोडावा लागला. त्यामुळे बार्सिलोना व मेस्सी यांचे २२ वर्षांचे नाते संपुष्टात आले.

दरम्यान, मेस्सीचे चाहते या निर्णयानंतर भलतेच नाखुश झाले आहेत. इंस्टाग्रामवर एक व्हिडिओ सध्या प्रचंड व्हायरल होत आहे, ज्यामध्ये मेस्सी संघ सोडून गेल्यामुळे मेस्सीचा चाहता, दुःख व्यक्त करताना दिसून येत आहे. तर रोनाल्डो पुन्हा एकदा १२ वर्षांनंतर मँचेस्टर युनायटेड संघात परतला आहे. ज्यामुळे मँचेस्टर युनायटेड संघाचे आणि रोनाल्डोचे चाहते ‘ओ शेट…’या गाण्यावर जल्लोष साजरा करताना दिसून येत आहे. या व्हिडिओवर चाहते देखील आपल्या मजेशीर प्रतिक्रीया देत आहेत.(Messi and Ronaldo fans reels went viral on social media)

https://www.instagram.com/reel/CTH3M39I67l/?utm_medium=copy_link

बारा वर्षानंतर रोनाल्डोचे मँचेस्टर युनायटेड संघात पुनरागमन
लिओनेल मेस्सीसह जगातील सध्याचा सर्वोत्तम फुटबॉलपटू म्हणून ओळखल्या जाणाऱ्या ख्रिस्तियानो रोनाल्डोने शुक्रवारी(२७ ऑगस्ट) पुन्हा एकदा मँचेस्टर युनायटेडसाठी खेळण्याचा निर्णय घेतला. मँचेस्टर युनायटेडचे माजी मॅनेजर सर ऍलेक्स फर्ग्युसन यांच्याशी चर्चा केल्यानंतर त्याने आपण पुन्हा एकदा मँचेस्टर युनायटेडच्या पारंपारिक लाल जर्सीत खेळणार असल्याचे स्पष्ट केले.

रोनाल्डोने किती रुपयांचा करार केला याबाबत अद्याप घोषणा झाली नाही. सर्व वैद्यकीय चाचण्या व स्थलांतराची प्रक्रिया पूर्ण झाल्यानंतर किंमतीबाबत सांगितले जाईल.

महत्त्वाच्या बातम्या – 

एका तपानंतर ख्रिस्टीआनो रोनाल्डो पुन्हा खेळणार मँचेस्टर युनायटेडसाठी

अश्रूंचे झाले करोडो! मेस्सीने डोळे पुसलेल्या टिश्यू पेपरची बोली गेली ‘इतक्या’ कोटींमध्ये

मेस्सीने बाल्कनीत भारतीय चाहत्याचे स्वीकारले अभिवादन ; व्हिडिओ तुफान व्हायरल