मेस्सीपासून ते रोनाल्डोपर्यंत ‘हे’ आहेत २०२२मधील जगातील सर्वात श्रीमंत खेळाडू, शंभरामध्ये विराट एकटाच क्रिकेटर

नेमार ज्युनिअर (७३५ कोटी रुपये)
नेमार ज्युनिअर (Neymar Junior) याची ख्याती जगभरात आहे. त्याच्या ७३५ कोटी रुपये या कमाईचा आकडा वाचून कोणाच्याही भुवया उंचावू शकतात. ब्राझीलचा फुटबॉलपटू, पूमा, रेड बुल, नेटफ्लिक्स यांच्यासह अनेक आंतरराष्ट्रीय ब्रँड्सच्या जाहिराती करतो. फ्रेंच क्लब म्हणजेच पॅरिस सेंट जर्मनसोबतही त्याचा मोठा करार आहे. ३० वर्षीय नेमारने मागील वर्षात ९५ मिलियन डॉलर्सची कमाईक केली आहे. यामध्ये २५ मिलियन डॉलर्स म्हणजेच १९३ कोटी रुपये फक्त जाहिरातींमधून आले आहेत.

स्टीफन करी (७१८ कोटी रुपये)
गोल्डन स्टेट वॉरियर्सचा स्टार बास्केटबॉलपटू स्टीफन करी (Stephen Curry) याची कमाई ९२.८ मिलियन डॉलर्स म्हणजेच ७१८ कोटी रुपये आहे. तो या यादीत पाचव्या क्रमांकावर आहे. त्याच्या कमाईपैकी ४५.८ मिलियन डॉलर्स रुपये खेळामार्फत मिळाले आहेत. तसेच, ४७ मिलियन डॉलर्स हे जाहिरातींमधून मिळाले आहेत. तो या वर्षी एनबीएमध्ये सर्वाधिक मानधन घेणारा खेळाडू देखील होता. पुढील हंगामात तो सुमारे ४८ मिलियन डॉलर्स रुपये कमावेल.

टॉप- १०० श्रीमंत खेळाडूंमध्ये विराट कोहली एकमेव भारतीय
भारतीय खेळाडूंबद्दल बोलायचं झालं, तर या यादीत विराट कोहली (Virat Kohli) या एकमेव खेळाडूचे नाव येते. तो टॉप- १००मध्ये ६१व्या स्थानावर आहे. मागील वर्षी विराटची कमाई २६२ कोटी रुपये होती. जाहिरातींमधून त्याला २४० कोटी आणि २२ कोटी रुपये हे खेळामधून मिळाले होते. विराटने अनेक विक्रम प्रस्थापित केले आहेत. आंतरराष्ट्रीय क्रिकेटमध्ये त्याच्या नावावर ७० शतके आहेत.

महा स्पोर्ट्सचा व्हॉट्सअप ग्रुप जॉइन करण्यासाठी येथे क्लिक करा