सायमन मुख्य प्रशिक्षक, तर ‘या’ दिग्गजांचीही कोचिंग स्टाफमध्ये निवड; मुंबई इंडियन्सची मोठी घोषणा

दक्षिण आफ्रिका टी20 लीगमधील (एसए20) मुंबई इंडियन्सची मालकी असलेल्या एमआय केपटाउन फ्रँचायझीने त्यांच्या प्रशिक्षण स्टाफची घोषणा केली आहे. बुधवारी (14 सप्टेंबर) मुंबई इंडियन्सने झहीर खान आणि माहेला जयवर्धने यांच्यावर मोठी जबाबदारी सोपवली होती. यानंतर आता गुरुवारी (15 सप्टेंबर) एसए20 लीगच्या लिलावापूर्वी एमआय केपटाउनने मुख्य प्रशिक्षकापासून ते फलंदाजी प्रशिक्षक, क्षेत्ररक्षण प्रशिक्षक आणि जनरल मॅनेजरची नावे जाहीर केली आहेत.

ऑस्ट्रेलियाचे माजी दिग्गज फलंदाज सायमन कॅटिच (Simon Katich) एमआय केपटाउन (MI Capetown) संघाचे मुख्य प्रशिक्षक असणार आहेत. तर दक्षिण आफ्रिकाचे माजी महान फलंदाज हाशिम आमला (Hashim Amla) यांना फलंदाजी प्रशिक्षकपदी नियुक्त करण्यात आले आहे. मुंबई इंडियन्सचे क्षेत्ररक्षण प्रशिक्षक जेम्स पैमेंट यांच्यावर एमआय केपटाउन संघाच्या क्षेत्ररक्षण प्रशिक्षकपदाची अतिरिक्त जबाबदारी सांभाळतील. तसेच दक्षिण आफ्रिकेचे माजी खेळाडू रॉबिन पीटरसन हे या संघाचे जनरल मॅनेजर असतील.

WELCOME, COACH KATICH! ????

We are eXXcited to announce that Simon Katich has joined the #OneFamily and will be the Head Coach of MI Cape Town! ????

Read more here: https://t.co/36VSv8n7F0 #OneFamily #MICapeTown #SA20 @SA20_League pic.twitter.com/BFBigOjVvv

— MI Cape Town (@MICapeTown) September 15, 2022

ROBBIE P TAKES THE REIGNS! ????

In @robbie13flair we have a GM who has experienced all spheres of the game!????

Read more here: https://t.co/36VSv8n7F0#OneFamily #MICapeTown #SA20 @SA20_League pic.twitter.com/Te3gzwMZhy

— MI Cape Town (@MICapeTown) September 15, 2022

मुंबई इंडियन्स आणि एमआय केपटाउन संघांचे मालक आकाश अंबानी यांनी प्रतिक्रिया देताना म्हटले की, “मला एमआय केपटाउनच्या प्रशिक्षण स्टाफमध्ये सायमन आणि हाशिमचे स्वागत करताना खूप आनंद होत आहे. जेम्स आणि रॉबिनसोबत आम्ही एक असा संघ बनवणार आहोत, जो दक्षिण आफ्रिकेत क्रिकेटच्या एमआय ब्रँडला विकसित करेल आणि या क्रिकेटप्रेमी देशात एमआयचे मूल्य आणि लोकाचार वाढवेल.”