भारतीय संघाचा माजी कर्णधार एमएस धोनीने १५ ऑगस्टला आंतरराष्ट्रीय क्रिकेटमधून निवृत्तीची घोषणा केली होती. त्याने आपला शेवटचा आंतरराष्ट्रीय सामना प्रेक्षकांच्या उपस्थितीत मागील वर्षी विश्वचषकाच्या उपांत्य सामन्यात न्यूझीलंडविरुद्ध खेळला होता. जवळपास एका वर्षांनंतर तो आयपीएल २०२०मध्ये प्रेक्षकांच्या अनुपस्थितीत चेन्नई सुपर किंग्जकडून क्रिकेट खेळताना दिसला. या हंगामातील शेवटच्या साखळी सामन्यात त्याने आपण पुढेही आयपीएल खेळणार असल्याचे म्हटले. त्यानंतर इंग्लंडचा माजी कर्णधार मायकल वॉने धोनीच्या आयपीलमधील शेवटच्या सामन्याबद्दल मोठे वक्तव्य केले आहे.
धोनीला आणखी एक वर्ष आयपीएल खेळावे लागेल- वॉ
“पुढील वर्षी २०२१ मध्ये आयपीएलचे आयोजन युएईमध्ये झाले, तर धोनीला त्यापुढील वर्षी २०२२मध्येही आयपीएल खेळावे लागेल,” क्रिकबझशी बोलताना वॉने म्हटले.
‘मला त्याच्या शेवटच्या सामन्यासाठी एक मोठी गर्दी पाहायची आहे’
आयपीएल २०२० च्या आपल्या शेवटच्या सामन्यात चेन्नईने किंग्ज इलेव्हन पंजाबला ९ विकेट्सने पराभूत केले. यासह ते आयपीएल २०२० मधून बाहेर पडले. चेन्नईकडून ऋतुराज गायकवाडने ६२ धावांची अर्धशतकी खेळी केली. यासह त्याने सलग तिसऱ्या सामन्यात अर्धशतक ठोकण्याचा विक्रम केला.
महत्त्वाच्या बातम्या-
-“भारताच्या ‘या’ राज्यात बनेल एमएस धोनीचे मंदीर,” माजी क्रिकेटरचे मोठे विधान
-“शेवटच्या वेदनादायक १२ तासांचा आनंद घ्या”, असे का म्हणाला एमएस धोनी, घ्या जाणून
ट्रेंडिंग लेख-
-वाढदिवस विशेष: ऑस्ट्रेलियाचा दिग्गज गोलंदाज मिशेल जॉन्सनबद्दल या खास गोष्टी माहित आहेत का?
-सुरुवात हुकली पण शेवट आमचाच! आयपीएलच्या दुसऱ्या हाफमध्ये शानदार कामगिरी करणारे ३ संघ
