ऑस्ट्रेलियाचा दिग्गज अष्टपैलू मिचेल मार्श लग्नबंधनात अडकला आहे. सोमवारी (10 एप्रिल) मार्शने त्याची प्रेयसी ग्रेटा मॅक सोबत लग्न केले. दोन वर्षांपूर्वी मार्श आणि ग्रेटाचा साखरपुडा झाला होता. अखेर सोवारी दोघांनी एकमेकांसोबत लग्नगाढ बांधली. मार्श आयपीएल 2023 हंगाम सुरू असताना लग्न करण्यासाठी मयादेशी परतला होता.
आयपीएल 2023 हंगामात मिचेल मार्श (Mitchell Marsh ) दिल्ली कॅपिटल्ससाठी खेळत आहे. पण लग्नाच्या कारणास्तव त्याने फ्रँचायझीकडून काही दिवसांची सुट्टी घेतली आणि मायदेशी परतला. सोमवारी ग्रेटा मॅक (Greta Mack) हिच्याशी त्याने लग्नगाठ बांधली आणि आयुष्यातील नव्या इनिंगची सुरुवात केली. असे असले तरी, मार्शला लग्नानंतर आपली पत्नी आणि कुटुंबासोबत जास्त काळ घालवता येणार नाही. आयपीएल हंगाम अर्ध्यात सोडून आलेल्या मार्शला लवकरात लवकर पुढच्या सामन्यांसाठी दिल्ली कॅपिटल्सच्या कॅम्पमध्ये सामील व्हावे लागेल.
https://www.instagram.com/p/CTrGaw0JTu0/?utm_source=ig_web_copy_link
मिचेम मार्शच्या अधिकृत सोशल मीडिया खात्यावरून खास पोस्ट केली गेली आहे. फोटोत मार्श आणि ग्रेटा परंपारिक पोशाखात आहेत आणि एकमेकांना किस करत आहेत. मार्शने या पोस्टच्या कॅप्शनमध्ये लिहिले आहे की, “माझ्या आयुष्यातील सर्वात खास दिवस.” या पोस्टवर चाहत्यांकडून मोठ्या प्रमाणात लाईक्स. लग्नानंतर चाहत्यांकडून मोठ्या प्रमाणात शुभेच्छा देखील या दोघांना मिळत आहेत.
https://www.instagram.com/p/Cq2JoXkPWrv/?utm_source=ig_web_copy_link
मार्शची पत्नी ग्रेटा मॅक ‘द फार्म मार्गरेट रिवर’ कंपनीच्या को डारेक्टरपदी कार्यरत आहे. तिने वेस्टर्न ऑस्ट्रेलिया युनिवर्सिटीमधून कॉमर्समध्ये पदवीचे शिक्षण पूर्ण केले. दुसरीकडे मार्शच्या कारकिर्दीचा विचार केला, त्याचा आंतरराष्ट्रीय क्रिकेटमधील अनुभव मोठा आहे. ऑस्ट्रेलियन संघासाठी त्याने 32 कसोटी, 72 वनडे आणि 46 टी-20 आंतरराष्ट्रीय सामने खेळले आहेत. आयपीएलमध्ये त्याने आतापर्यंत 31 सामन्यांमधील 24 डावांमध्ये 546 धावा केल्या, तर 25 विकेट्सही घेतल्या. तो आयपीएलमध्ये रायसिंग पुणे सुपर जायंट्स, सनरायझर्स हैदराबाद आणि दिल्ली कॅपिटल्स संघासाठी खेळले आहे. यावर्षीच्या हंगामात त्याने पहिल्या दोन सामन्यांमध्ये दिल्लीचे प्रतिनिधित्व करताना 0 आणि 4 धावांची खेळी केली. तसेच गुजरातविरुद्धच्या सामन्यात त्याने एक विकेट देखील घेतली. (Mitchell Marsh and his girlfriend Greta Matt got married)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
पंजाबला नमवत सनरायझर्सने खोलले विजयाचे खाते! मार्कंडे-त्रिपाठी ठरले नायक
सफाई कामगार बनता-बनता राहिला रिंकू सिंग! केकेआरच्या विश्वासामुळे बनला स्टार क्रिकेटपटू
