चॅम्पियन्स ट्राॅफीपूर्वी संघाला मोठा धक्का, अष्टपैलू खेळाडू स्पर्धेतून बाहेर.!

चॅम्पियन्स ट्रॉफी 2025 अवघ्या 19 दिवासांवर आली आहे. पण खेळाडूंना दुखापत होण्याची मालिका सुरूच आहे. आता ऑस्ट्रेलियन क्रिकेट संघाला मोठा धक्का बसला आहे. त्यांचा स्टार खेळाडू जखमी झाला आहे. आता तो चॅम्पियन्स ट्रॉफीमधून बाहेर पडला आहे. त्याच्या जागी अजून कोणाची निवड झाली नसली तरी, क्रिकेट ऑस्ट्रेलियाला लवकरच या संदर्भात एक मोठा आणि महत्त्वाचा निर्णय घ्यावा लागणार आहे. हा दुसरा कोणी नसून ऑस्ट्रेलियाचा स्टार अष्टपैलू मिचेल मार्श आहे.

आयसीसी चॅम्पियन्स ट्रॉफी जवळजवळ आठ वर्षांनी पुनरागमन करत आहे. यावेळी याचे यजमानपद पाकिस्तानला मिळाले आहे. भारत वगळता इतर सर्व संघ त्यांचे सामने पाकिस्तानमध्ये खेळतील. टीम इंडिया आपले सामने दुबईमध्ये खेळेल. चॅम्पियन्स ट्रॉफी 19 फेब्रुवारीपासून सुरू होईल. या दरम्यान, ऑस्ट्रेलियासाठी वाईट बातमी आली आहे. संघाचा स्टार खेळाडू मिचेल मार्श आता या स्पर्धेतून दुखापतीमुळे बाहेर पडला आहे. ऑस्ट्रेलियानेही मिचेल मार्श यापुढे चॅम्पियन्स ट्रॉफी खेळू शकणार नाही याची पुष्टी केली आहे.

मिचेल मार्श हा ऑस्ट्रेलियाच्या स्टार खेळाडूंपैकी एक मानला जातो. संघात त्याच्या उपस्थितीमुळे खालच्या फळीत फलंदाजी आणि गरज पडल्यास गोलंदाजी करण्याची संधी मिळते. ज्यामुळे संघ आणखी धोकादायक बनतो. मिचेल मार्श ऑस्ट्रेलियाकडून टी20 आंतरराष्ट्रीय, कसोटी आणि एकदिवसीय सामन्यांमध्ये खेळतो. मात्र आता ऑस्ट्रेलियन संघ दोन कसोटी सामन्यांच्या मालिकेसाठी श्रीलंकेच्या दौऱ्यावर आहे. ज्यात त्याला स्थान देण्यात आलेले नाही.

🚨 MITCHELL MARSH RULED OUT OF CHAMPIONS TROPHY 2025 DUE BACK ISSUES 🚨

– Massive Blow for Australia..!!!! pic.twitter.com/HBQFvCt9f8

— Tanuj Singh (@ImTanujSingh) January 31, 2025

मिशेल मार्शच्या कामगिरीबद्दल बोलायचे झाले तर, त्याने आतापर्यंत 93 एकदिवसीय सामन्यांमध्ये 2794 धावा केल्या आहेत. तर 46 कसोटीत 2083 धावा केल्या आहेत, टी20 मध्ये त्याने 65 सामन्यांमध्ये 1629 धावा केल्या आहेत. गोलंदाजीबद्दल बोलायचे तर त्याच्या नावावर एकदिवसीय सामन्यात 57 विकेट्स आहेत. तसेच कसोटी सामन्यांमध्ये 51 आणि टी20 आंतरराष्ट्रीय सामन्यांमध्ये 17 विकेट्स घेतल्या आहेत. आकडेवारीवरून हे स्पष्ट होते की मिचेल मार्शची जागा भरुन काढणे ऑस्ट्रेलियासाठी सोपे काम नसेल.

हेही वाचा-

चाहत्यांच्या अपेक्षांवर पुन्हा पाणी, विराट कोहलीकडून डोमेस्टिक क्रिकेटमध्येही धावा निघेना…!
रणजी ट्रॉफीच्या इतिहासात पहिल्यांदाच असं घडलं, या संघाच्या नावे लज्जास्पद विक्रमाची नोंद
चॅम्पियन्स ट्राॅफीसाठी या दिवशी भारतीय संघ दुबईला रवाना होणार, स्पर्धेपूर्वी टीम इंडियाबाबत मोठे अपडेट्स समोर