इंग्लंड संघाचा दिग्गज मोईन अली लवकरच त्यांच्या कसोटी संघात पुनरागमन करण्याची शक्यता आहे. मोईनने इंग्लंडचा मुख्य प्रशिक्षक ब्रँडन मॅक्युलमला सांगितले आहे की, तो कसोटी क्रिकेटमधील निवृत्ताचा निर्णय माघारी घेऊ इच्छितो. मोईन आता बेन स्टोक्सच्या नेतृत्वाता संघात सहभागी होण्याच्या तयारीत आहे.
मागच्या वर्षी सप्टेंबर महिन्यात मोईन अली (Moeen Ali) याने कसोटी क्रिकेटमधून निवृत्तीचा निर्णय घेतला होता. निवृत्तीची घोषणा करताना त्याने असी माहिती दिली होती की, त्याला येणाऱ्या काळाता मर्यादित षटकांच्या क्रिकेटमध्ये लक्ष केंद्रित करायचे आहे आणि यासाठी तो हा निर्णय घेत आहे. पण आता आयपीएलचा हंगाम अपेक्षेप्रमाणे न गेल्यानंतर त्याने कसोटी क्रिकेटमध्ये पुनरागमनाचा निर्णय घेतला असण्याची शक्यता आहे.
आयपीएल २०२२ मध्ये चेन्नई सुपर किंग्जसाठी खेळताना मोईन अली फलंदाजी आणि गोलंदाजी दोन्हीमध्ये अपयशी ठरताना दिसला. अशात आता तो कसोटी क्रिकेटकडे पुन्हा वळताना दिसत आहे. माध्यमांतील वृत्तानुसार इंग्लंडचा फिरकी गोलंदाज आदिल राशीदला देखील निवृत्तीतून माघार घ्यायला सांगितले जाऊ शकते. राशीद देखील इंग्लंडसाठी कसोटी क्रिकेट खेळत नाही.
मोईन अलीसाठी कसोटी क्रिकेटमध्ये पुनरागमन करणे सोपी बाब आहे, कारण इंग्लंड संघाला सध्या चांगल्या कसोटी खेळाडूंची आवश्यकता आहे. ब्रँडन मॅक्युलम (Brendon McCullum) नुकताच काही दिवसांपूर्वी संघाचा मुख्य प्रशिक्षक बनला आहे आणि त्याच्यावर संघाला फॉर्ममध्ये आणण्याची जबाबदारी सोपबली गेली आहे.
माहितीनुसार मॅक्युलम कसोटी संघात जोस बटलर, लियाम लिविंगस्टोन यांच्यासह मोईन अली आणि आदिल राशीद यांना संघात सहभागी करू इच्छितो. या खेळाडूंना घेतल्यानंतर संघ भक्कम होईल यात शंका नाही. मोईनने त्याचा कसोटी कारकिर्दीत आतापर्यंत ६४ सामने खेळले आणि यामध्ये १९५ विकेट्स, तर २९१४ धावा केल्या आहेत.
माध्यमांतील वृत्तांमध्ये अशीही माहिती आहे की मोईन अली मॅक्युलमचा खूप सन्मान करतो आणि त्याच्यासाठी तो खेळणार आहे.
दरम्यान, भारतीय संघ आगामी काळात इंग्लंड दौऱ्यावर जाणार आहे. भारत आणि न्यूझीलंड विरुद्ध मायदेशात इंग्लंडला मालिका खेळायच्या आहे. या मालिका संपल्यानंतर पाकिस्तानमध्ये या खेळाडूंना आजमावले जाऊ शकते.
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
महत्वाच्या बातम्या –
IPL Final 2022 I गुजरातसाठी स्वप्नवत प्रवास, तर राजस्थानने अनेक संकटे पार करत गाठलीये फायनल
आयपीएल २०२२च्या थरारक अंतिम सामन्यात ‘हा’ अभिनेता करणार कॉमेंट्री, क्रिकेटप्रेमींची उत्सुकता शिगेला
IPL Final | गुजरात वि. राजस्थान सामन्यासाठीची ‘ड्रीम ११’, हे खेळाडू करून देऊ शकतात पैसा वसूल!
