न्यूझीलंडविरुद्धच्या 3 सामन्यांच्या वनडे मालिकेसाठी बीसीसीआयने 3 जानेवारी रोजी भारतीय संघाची घोषणा केली आहे. श्रेयस अय्यर आणि शुभमन गिल यांचे वनडे मालिकेत पुनरागमन झाले आहे. मात्र, असे 5 स्टार खेळाडू आहेत, ज्यांना भारतीय संघात स्थान मिळालेले नाही. हे खेळाडू टीम इंडियामध्ये जागा मिळवण्यासाठी खरे पात्र होते.
न्यूझीलंडविरुद्ध मोहम्मद शमीलाही डावलण्यात आले आहे, ज्याने गेल्या 4 घरगुती सामन्यांत 8 बळी घेतले आहेत. याशिवाय संजू सॅमसनचीही संघात निवड झालेली नाही. संजूने भारतासाठी खेळलेल्या शेवटच्या वनडे सामन्यात शतक झळकावले होते. तसेच ऋतुराज गायकवाडलाही दुर्लक्षित करण्यात आले आहे, त्यानेही आपल्या गेल्या सामन्यात शतक ठोकले होते. ईशान किशन आणि देवदत्त पडिक्कल यांनाही भारतीय संघात संधी मिळालेली नाही. हे दोन्ही खेळाडू घरगुती क्रिकेटमध्ये सातत्याने चांगली कामगिरी करत आहेत.
