श्रीलंकेचा ‘हा’ गोलंदाज रोहित शर्माचा पिच्छा काही सोडेना; तब्बल ६ वेळा दाखवलाय तंबूचा रस्ता

रविवारी (२७ फेब्रुवारी) हिमाचल प्रदेशच्या धरमशाला मैदानावर भारत विरुद्ध श्रीलंका (India vs Sri Lanka) संघातील तिसरा आणि शेवटचा टी२० सामना पार पडला. या सामन्यात नाणेफेक जिंकून श्रीलंका संघाने फलंदाजीचा निर्णय घेतला होता. यावेळी श्रीलंकेने प्रथम फलंदाजी करताना ५ विकेट्स गमावत निर्धारित २० षटकात १४६ धावां ठोकल्या होत्या. या आव्हानाचा पाठलाग करण्यासाठी भारतीय संघाकडून सलामीला रोहित शर्मा (Rohit Sharma) आणि संजू सॅमसन (Sanju Samson) आले होते. मात्र, यावेळी पहिल्या सामन्यासारखी खास कामगिरी करण्यात रोहित अपयशी ठरला. त्याला दुसऱ्या टी२० सामन्यात श्रीलंकेच्या गोलंदाजाने बाद केले होते, त्याच गोलंदाजांने त्याला तिसऱ्या टी२० सामन्यात तंबूचा रस्ता दाखवला. यासोबतच त्याने पुन्हा एकदा मोठा विक्रम आपल्या नावावर केला.

श्रीलंकेने दिलेल्या १४६ धावांचे आव्हान पार करण्यासाठी रोहित आणि सॅमसन मैदानावर आले होते. श्रीलंकेकडून डावातील दुसरे षटक टाकण्यासाठी दुष्मंता चमीरा (Dushmantha Chameera) आला होता. त्याने आपले पहिले ३ चेंडू रोहितला टाकले, पण त्यावर रोहितने एकही धाव घेतली नाही. मात्र, जसा त्याने चौथा चेंडू टाकला, तसा तो रोहितने फटकवला, पण तो चेंडू थेट चमिका करुणारत्नेच्या हातात गेला. त्यामुळे रोहित तंबूत परतला.

Rohit Sharma is gone ☝️

Dushmantha Chameera dismisses him again!

The Indian skipper is gone for 5. #INDvSL | 📝 https://t.co/x2kKwmYSlk pic.twitter.com/NM8teZ8lkV

— ICC (@ICC) February 27, 2022