इंडियन प्रीमियर लीगचा 13 वा हंगाम यूएई येथे पार पडला. या हंगामात एमएस धोनीच्या नेतृत्वाखालील चेन्नई सुपर किंग्जने आयपीएलच्या इतिहासात पहिल्यांदाच प्ले ऑफमध्ये स्थान मिळवले नाही. एवढेच नव्हे, तर हा संघ गुणतालिकेत सातव्या स्थानी राहिला होता.
असे असले तरी आयपीएलच्या 13 व्या हंगामात चेन्नई सुपर किंग्ज संघाबद्दल सर्वाधिक ट्विट केले गेले. प्रसिद्धीच्या बाबतीत सीएसके इतर सर्व संघांच्या तुलनेत वरचढ ठरला आहे. सीएसकेनंतर ट्विटरवर सर्वाधिक ट्विट विराट कोहलीच्या नेतृत्वाखालील रॉयल चॅलेंजर्स बेंगलोर संघाबाबत केले गेले.
बंगलोर पाठोपाठ मुंबई इंडियन्स, सनरायझर्स हैदराबाद, कोलकाता नाइट रायडर्स, राजस्थान रॉयल्स, किंग्ज इलेव्हन पंजाब आणि दिल्ली कॅपिटल्सचा क्रमांक लागतो.
????While Mumbai Indians (@mipaltan) won the IPL this year, it was Chennai Super Kings (@ChennaiIPL) that emerged as the most Tweeted about team during the tournament. pic.twitter.com/XlnLCggxod
— X India (@XCorpIndia) November 19, 2020
मुंबई विरुद्ध चेन्नई सामन्याने मारली बाजी
तसेच आयपीएलच्या 13 व्या हंगामातील सामन्याबद्दल बोलायचे झाले तर मुंबई इंडियन्स विरुद्ध चेन्नई सुपर किंग्ज संघात खेळलेल्या पहिल्या सामन्याबद्दल ट्विटरवर सर्वाधिक चर्चा झाली. या सामन्यापाठोपाठ 4 ऑक्टोबरला झालेल्या मुंबई विरुद्ध हैदराबाद सामन्याबद्दल चर्चा झाली.
त्याचबरोबर खेळाडूंच्याबाबत या स्पर्धेदरम्यान विराट कोहलीबद्दल सर्वाधिक ट्विट करण्यात आले.
????The opening match between Mumbai Indians and Chennai Super Kings became the most Tweeted about match of the season. This was followed by Mumbai Indians versus Sunrisers Hyderabad (@SunRisers) and Mumbai Indians versus Delhi Capitals (@DelhiCapitals). pic.twitter.com/cWzpio5NQs
— X India (@XCorpIndia) November 19, 2020
सचिनचा ट्विट ठरला गोल्डन ट्विट
याबरोबरच आयपीएल 2020 मधील गोल्डन ट्विट करण्याचा मान मास्टर ब्लास्टर सचिन तेंडुलकरला मिळाला. त्याने किंग्ज इलेव्हन पंजाबचा फलंदाज निकोलस पूरनच्या राजस्थान रॉयल्सविरुद्ध केलेल्या शानदार क्षेत्ररक्षणाचे कौतुक करणारा ट्विट केला होता, हाच ट्विट गोल्डन ट्विट ठरला आहे. या ट्विटला जवळपास 25 हजार रिट्विट्स आले आहेत.
????The most Retweeted Tweet of the season was a Tweet from Sachin Tendulkar (@sachin_rt) praising Nicholas Pooran's (@nicholas_47) fielding efforts during the Rajasthan Royals (@rajasthanroyals) vs Kings XI Punjab (@lionsdenkxip) match. https://t.co/JZCahyJuFI
— X India (@XCorpIndia) November 19, 2020
चेन्नईची 2020 हंगामातील खराब कामगिरी
आयपीएल 2020 मध्ये चेन्नईने चौदा सामने खेळले आहेत. यामध्ये या संघाने 6 सामन्यात विजय मिळवला, तर 8 सामन्यात या संघाला पराभवाला सामोरे जावं लागलं.
आयपीएलच्या इतिहासात चेन्नईने एमएस धोनीच्या नेतृत्वाखाली तीन वेळा किताब जिंकला आहे. सन 2010 आणि 2011 या सलग दोन वर्षात किताब जिंकणारा सीएसके हा पहिला संघ होता. त्यानंतर या संघाने 2018 साली पुन्हा एकदा किताबावर नाव कोरले. तसेच चेन्नईने 2008 ते 2019 पर्यंत खेळलेल्या सर्व आयपीएल हंगामात प्लेऑफमध्ये प्रवेश केला होता. मात्र यंदा पहिल्यांदाच चेन्नई संघ प्लेऑफमध्ये प्रवेश करण्यात अपयशी ठरला.
महत्त्वाच्या बातम्या –
विराटच्या अनुपस्थितीत रोहित शर्माला मिळायला हवे कसोटी कर्णधारपद, माजी दिग्गजाचे मोठे भाष्य
आनंदाची बातमी! राष्ट्रकुल स्पर्धेत क्रिकेटचा समावेश, ‘हे’ संघ खेळणार स्पर्धा
ट्रेंडिंग लेख –
…अन् धोनीचा सध्या विरोधक झालेल्या खेळाडूलाही धोनीचा ‘रनर’ म्हणून यावे लागले मैदानात
हे तीन परदेशी खेळाडू पुढील आयपीएलमध्ये दिसण्याची शक्यता कमी; दोन माजी कर्णधारांचा समावेश
पॉटींगच्या गोलंदाजी विभागाचा ‘सरसेनापती’ राहिलेल्या ब्रेट लीची अनोखी कहानी
