पुणे । मुरहारी राठोड याच्या एकाहाती कामगिरीने युनायटेड स्पोर्ट्स क्लबने पीडीएफए फुटबॉल लीगमधील आपली आगेकूच कायम राखली. द्वितीय श्रेणीतील या सामन्यात त्यांनी सनी डेज संघाचा ३-० असा पराभव केला. एसएसपीएमएस मैदानावर शुक्रवारी झालेल्या अ गटातील सामन्यात मुरहारीने २२, ३२ आणि ३०+2व्या मिनिटाला गोल केले. पूर्वार्धातच त्याने तीन गोल करून संघाची बाजू भक्कम केली होती. हीच आघाडी कायम राखत युपीएसएने विजय साकारला.
त्यानंतर एफसी बेकडिन्हो संघाने दिएगो ज्युनियर्स संघाचा २-१ असा पराभव केला. उत्तरार्धातील भरपाई वेळेत सौरभ पाटिलने केलेला गोल त्यांच्यासाठी निर्णायक ठरला. त्यापूर्वी सिद्धार्थ चव्हाण याने ३१नव्या मिनिटाला बरोबरी साधून दिली होती. सामन्याच्या २५व्या मिनिटाला अगस्ता याने गोल करून दिएगो ज्युनियर्स संघाला आघाडीवर नेले होते.
सप महाविद्यालयाच्या मैदानावर झालेल्या सामन्यात परशुरामियन्स ब संघाने अखिल भुसारी कॉलनी संघाचा प्रतिकार २-१ असा मोडून काढला. सारंग दातार याने ११व्या मिनिटाला परशुरामियन्सचे खाते उघडले होते. त्यानंतर टिमोथी कामेई याने ३८व्या मिनिटाला भुसारी कॉलनी संघाला बरोबरी साधून दिली. सामन्याच्या ४७व्या मिनिासला जिष्णू नायर याने परशुरामियन्सचा विजयी गोल केला.
अ गटातच झालेल्या आणखी एका सामन्यात नव महाराष्ट्र संघाने हायलॅंडर एफसीचा ४-२ असा पराभव केला. पंकज भोसले याने ५ आणि १६व्या मिनिटाला दोन गोल केले. दिपक साखरे आणि उन्मेश पडुमले यांनी एकेक गोल केला. हायलॅंडर्ससाठी आयुष धिवार आणि नील गावंडे यांनी गोल केले.
निकाल-
एसएसपीएमस मैदान-
गट सी केश माधन प्रतिष्ठान २ (कृष्णा खराडे १५वे, अबुबाकर २८वे मिनिट) बरोबरी वि. राम स्पोर्टिंग २ (चैतन्य शिंदे ३१वे, शैलेंद्र आंडे ५४वे मिनिट)
गट डी – न्यू इंडिया सॉकर (पुढे चाल) वि. सुखाई एफसी
गट अ – एफसी बेकडिन्हो २ (सिद्धार्थ चव्हाण ३१वे, सौरभ पाटिल ६०+1वे मिनिट) वि.वि. दिएगो ज्युनियर्स १ (अगस्ता २५वे मिनिट)
गट अ – व्हॅली हंटर्स १ (ओमकार निपसे ११वे मिनिट) वि.वि. डेक्कन इलेव्हन सी १ (हर्षल दिक्षित ३८वे मिनिट)
गट अ – युनायटेड पुना स्पोर्टस क्लब ३ (मुरहारी राठोड २२वे, ३२वे, ३०+2वे मिनिट) वि.वि. सनी डेज ०
सप महाविद्यालय , तृतिय श्रेणी
गट जी – सिटी एफसी पुणे ३ (प्रितिष बाबर २७, ३९वे मिनिट, अमित जारे ६०वे मिनिट) वि.वि. पुणे पायोनिर्स एफसी २ (मिका शेख १५वे, अथर्व खडतरे २९वे मिनिट)
गट अ – नव महाराष्ट्र ४ (पंकज भोसले ५वे, १६वे, दिपक साखरे १५वे, उमेश पडुमले ३४वे मिनिट) वि.वि. हायलॅंडर्स एफसी २
गट अ – परशुरामियन्स ब २ (सारंग दातार ११वे, जिष्णू नायर ४७वे मिनिट) वि.वि. अखिल भुसारी कॉ़लनी १ (टिमोथी कामेई ३८वे मिनिट)
गट ब – साई स्पोर्टस १ (ओजस देशपांडे ३३वे मिनिट) बरोबरी वि. मॅथ्यू एफए १ (द्वैविक कारिया २५वे मिनिट)
गट ब – खडकीयन्स २ (विकी पिल्ले १५नवे, सिजू लॉरसल ५०वे मिनिट) वि.वि. आर्यन्स एससी ब १ (केवल वैती ५वे मिनिट)
गट सी – ब्लॅक हॉक्स ३ (प्रतिक शिंगटे १४, ४७वे मिनिट, कपिल परदेशी ३२वे मिनिट) बरोबरी वि. ईगल एफसी ३ (जतिंद्र चौहान २५, ४२, ४५वे मिनिट)
गट एच – रियल युनायटेड ब २ (प्रतिक शिंदे ५३वे, रशेष चौबे ५६वे मिनिट) वि.वि. योद्धा एफसी ०
गट डी – लिजेंडस युनायटेड ५ ९आर्यन टी १५, ४३वे, सागर वाय. ३५वे, ओमकार महामुनी ५०वे, दुर्वांकुर एच ४२वे मिनिट) वि.वि. देहु फिटर्स १ (सोहम के. ३०वे मिनिट)
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
महत्वाच्या बातम्या-
अरे व्वा! निखिलच्या सुरेख प्रदर्शनाने जाएंटस अ संघाचा विजय
पुणेरी वॉरियर्स, अस्पायर एफसीचे चमकदार विजय
रेड कार्डच्या स्पर्धेत डायनामाईटसचा युनिक वानवडीवर विजय
