भारतीय संघाचा कर्णधार विराट कोहली लवकर वडील बनणार आहे. याची माहिती त्याने काल (२७ ऑगस्ट) आपल्या अधिकृत सोशल मीडिया अकाऊंट्सवरून दिली. त्याने आपल्या पोस्टमध्ये अनुष्कासोबतच्या फोटोचा समावेश करत लिहिले की, “आता आम्ही तिघे होणार. जानेवारी २०२१,” अशीच पोस्ट अनुष्कानेही केली आहे.
आता विराटच्या घरी नवीन पाहुणा येणार आहे. त्यामुळे कुटुंबात आनंदाचे वातावरण झाले असून आणखी एका सदस्याची भर पडणार आहे. विराटच्या कुटुंबात त्याच्या आई व्यतिरिक्त भाऊ आणि बहीणही आहे. लग्नानंतर अनुष्काही विराटच्या कुटुंबाचा भाग बनली आहे.
विराटचे वडील प्रेम कोहली ३ मुले आणि पत्नीसह दिल्लीमध्ये राहत होते. ते वकील होते. विराट केवळ १८ वर्षांचा असताना त्याच्या वडिलांचे निधन झाले होते.
विराटच्या वडिल्यांच्या मृत्यूनंतर त्याची आई सरोज कोहलीच त्यांच्या कुटुंबाचा सर्वात मोठा आधार आहे. विराटची आई गृहिणी असून त्या विराटच्या लहान भावासोबत गुडगाव येथे राहतात.
https://www.instagram.com/p/B__tBHnFBGQ/?utm_source=ig_web_copy_link
विराटच्या मोठ्या भावाचे नाव विकास कोहली आहे. तो आपली पत्नी आणि मुलासोबत गुडगावमध्ये राहतो. विकास बिझनेसमॅन आहे, जो दिल्ली- गुडगावमधील अनेक हॉटेल्स आणि रेस्टॉरंट्स चालवतो. वडिलांच्या मृत्यूनंतर घराची जबाबदारी विकासने घेतली होती.
https://www.instagram.com/p/Bm8ab8dgTzO/?utm_source=ig_web_copy_link
विराट कुटुंबात सर्वात लहान आहे. त्याच्या मोठ्या बहिणीचे नाव भावना आहे. भावना प्रसिद्धीपासून नेहमी दूर राहते. तिचे लग्न झाले असून तिला २ अपत्य आहेत. ती विराटच्या खूप जवळ आहे.
