आयपीएल 2025 चा नववा सामना गुजरात टायटन्स आणि मुंबई इंडियन्स यांच्यात खेळला गेला. गुजरातने हा सामना 36 धावांनी जिंकला. प्रथम फलंदाजी करताना गुजरात टायटन्सने 20 षटकांत 8 गडी गमावून 196 धावा केल्या. प्रत्युत्तरात, मुंबईला 20 षटकांपर्यंत फलंदाजी केल्यानंतर 6 गडी गमावून फक्त 160 धावा करता आल्या. गुजरातकडून साई सुदर्शनने शानदार अर्धशतक झळकावले. या हंगामात गुजरातचा हा पहिलाच विजय आहे. मुंबई इंडियन्सचा हा सलग दुसरा पराभव आहे.
प्रथम फलंदाजी करणाऱ्या गुजरातने शुबमन गिल आणि साई सुदर्शन यांच्या मदतीने चांगली सुरुवात करून दिली. दोघांनीही पहिल्या विकेटसाठी 78 धावांची भागीदारी केली. पण संघाला गिलच्या रुपाने पहिला धक्का बसला तो 28 चेंडूत 38 धावा काढून बाद झाला. गिल बाद झाल्यानंतर, जोस बटलरने सुदर्शनसोबत 51 धावांची भागीदारी केली, परंतु तो ही 39 धावा करून पॅव्हेलियनमध्ये परतला. यानंतर, सुदर्शनने त्याच्या आयपीएल कारकिर्दीतील आठवे अर्धशतक झळकावले नंतर 63 धावा करून बाद झाला. सुदर्शन बाद होताच गुजरातचा धावगती मंदावली आणि संघ 200 धावांचा टप्पाही ओलांडू शकला नाही.
लक्ष्याचा पाठलाग करताना मुंबई इंडियन्सची सुरुवात चांगली झाली नाही. संघाला पहिल्याच षटकात पहिला धक्का बसला, रोहित शर्मा सलग दोन चेंडूंवर दोन चौकार मारल्यानंतर तिसऱ्या चेंडूवर बाद झाला. त्याला सिराजने क्लिन बोल्ड केले. त्याच्या बाद झाल्यानंतर तिलक वर्मा तिसऱ्या क्रमांकावर आला. त्याने रिकल्टनसोबत मिळून संघाचा धावसंख्या 35 पर्यंत नेला. रिकल्टन 6 धावा करून बाद झाला.
नंतर सूर्यकुमार यादवसह तिलक वर्माने डाव सांभाळण्याचा प्रयत्न केला. दोघांमध्ये 62 धावांची भागीदारी झाली. मुंबई इंडियन्स सामन्यावर आपली पकड मजबूत करत असल्याचे दिसत होते, तेव्हा प्रसिद्ध कृष्णाने तिलक वर्माला बाद करून गुजरातला सामन्यात परत आणले. यानंतर, सूर्यकुमार यादवने एका टोकापासून फलंदाजी केली पण तो संघाला विजय मिळवून देऊ शकला नाही. या सामन्यात सूर्याने 28 चेंडूत 48 धावा केल्या. त्याच्यानंतर कर्णधार हार्दिक पांड्याने 11 धावा केल्या. तर नमन धीर आणि मिशेल सँटनर यांनी 18-18 धावांची खेळी खेळली.
Thrilling the home crowd with a performance to cherish 🤩
— IndianPremierLeague (@IPL) March 29, 2025
Gujarat Titans get their #TATAIPL 2025 campaign off the mark 💪
Scorecard ▶ https://t.co/lDF4SwnuVR #GTvMI | @gujarat_titans pic.twitter.com/iy60R0cOwZ
