सचिन की सेहवाग? कोणाला गोलंदाजी करणे होते सोपे? श्रीलंकेच्या दिग्गजाने दिले उत्तर

श्रीलंका क्रिकेट संघाचा माजी दिग्गज फिरकी गोलंदाज मुथय्या मुरलीधरन (Muttiah Muralitharan) सध्या लिजेंड्स लीग क्रिकेटमध्ये (lagends league cricket) खेळत आहे. एलएलसीने अधिकृत इंस्टाग्राम खात्यावरून एक खास व्हिडिओ शेअर केला आहे, ज्यामध्ये मुरलीधरन बोलत आहे. व्हिडिओत मुरलीधरनला सचिन तेंडुलकर (Sachin Tendulkar) आणि विरेंद्र सेहवाग (Virender Sehwag) या दोघांपैकी कोणाला गोलंदाजी करणे सोपे होते? असा प्रश्न विचारला गेला. सोबतच त्याच्या विचित्र गोलंदाजी एक्शनविषयी देखील त्याल प्रश्न विचारला गेला. मुरलीधरननेही सर्व प्रश्नांची स्पष्ट उत्तरे दिली आहेत.

मुलाखतील मुरलीधरनला सर्वप्रथम प्रश्न विचारला गेला की, “सचिन तेंडुलकर व विरेंद्र सेहवागपैकी कोणाला गोलंदाजी करणे सोपे होते ?” या प्रश्नाचे उत्तर देताना तो म्हणाला की, “सचिनला गोलंदाजी करणे सोपे होते.” त्यानंतर त्याला गोलंदाजी एक्शनदरम्यान त्याच्या भीतीदायक चेहऱ्याविषयी प्रश्न विचारला गेला. त्यावर स्पष्टीकरण देत मुरलीधरन म्हणाला की, “मी त्यावेळी लक्ष केंद्रित करायचो आणि हेदेखील सुनिश्चित करायचो की, फलंदाज उत्साहाने गोलंदाजी करेल. ही एक अशी प्रतिक्रिया आहे, जी स्वाभाविकपणे येते.”