भारत विरुद्ध ऑस्ट्रेलिया चौथ्या कसोटीच्या तिसऱ्या दिवशी अष्टपैलू नितीश कुमार रेड्डी आणि वॉशिंग्टन सुंदर यांनी संयम दाखवला आणि शानदार फलंदाजी केली. मेलबर्न क्रिकेट ग्राउंड (MCG) येथे आज तिसऱ्या दिवशी दोघांनी आठव्या विकेटसाठी 127 धावांची विक्रमी भागीदारी केली. आठव्या क्रमांकावर आलेल्या नितीशने शतक झळकावले आणि नवव्या क्रमांकावर आलेल्या वॉशिंग्टनने अर्धशतक झळकावून भारताला संकटातून बाहेर काढले. नितीशने 176 चेंडूंत 10 चौकार आणि 1 षटकाराच्या मदतीने नाबाद 105 धावा केल्या. त्याचे हे पहिले कसोटी शतक ठरले. तर वॉशिंग्टनने 162 चेंडूत 50 धावा केल्या. त्याने आपल्या डावात फक्त एक चौकार मारला.
नितीश आणि वॉशिंग्टन यांनी एक अनोखा विक्रम केला आहे, जो ऑस्ट्रेलियासाठी धक्कादायक नाही. खरे तर, कसोटी क्रिकेटच्या 147 वर्षांच्या इतिहासात प्रथमच असे घडले आहे, की नंबर-8 आणि नंबर-9 च्या फलंदाजांनी एका डावात 150 हून अधिक चेंडूंचा सामना केला. भारतीय फलंदाजांनी केलेला हा विक्रम ऑस्ट्रेलियन गोलंदाजांना फार काळ विश्रांती घेऊ दिला नाही. नितीश आणि सुंदरच्या जोडीने ऑस्ट्रेलियात आठव्या विकेटसाठी दुसऱ्या क्रमांकाची सर्वोच्च भागीदारी करण्याचा भारतीय विक्रमही केला.
ऑस्ट्रेलियन भूमीवर 8 व्या क्रमांकावर किंवा त्याखालील फलंदाजी करताना शतक झळकावणारा नितीश पहिला भारतीय खेळाडू ठरला आहे. त्याने अनिल कुंबळेला मागे टाकले आहे. कुंबळेने 2008 मध्ये ॲडलेडमध्ये 87 धावांची इनिंग खेळली होती. महान फलंदाज सुनील गावस्कर यांनी नितीशच्या शतकाचे वर्णन सर्वोत्तम कसोटी डावांपैकी एक आहे. बिकट परिस्थितीत ‘ट्रबलशूटर’ची भूमिका बजावत नितीशने ऑस्ट्रेलियाच्या विजयाच्या आशा पल्लवित केल्या आहेत. ऑस्ट्रेलियाच्या 474 धावांच्या प्रत्युत्तरात तिसऱ्या दिवशी भारताची धावसंख्या 358/9 होती. मेलबर्नमधील पहिल्या डावात यशस्वी जयस्वालने 82 धावांचे, विराट कोहलीने 36 धावांचे आणि केएल राहुलने 24 धावांचे योगदान दिले.
हेही वाचा-
MCG मध्ये नितीश रेड्डीचा फिल्मी अवतार, ‘पुष्पा’ नंतर ‘बाहुबली’ सेलिब्रेशन; पाहा VIDEO
अर्धशतकास पुष्पा तर शतकास बाहुबली! शतकानंतर नितीश रेड्डीचे हटके सेलिब्रेशन, सोशल मीडियावर जोरदार व्हायरल
नितीश रेड्डीचं शतक, वॉशिंग्टनची ‘सुंदर’ खेळी; मेलबर्नमध्ये तिसरा दिवस भारताच्या नावे
