आयसीसी टी20 विश्वचषक 2022 (T20 World Cup)मध्ये गुरूवारी(27 ऑक्टोबर)पाकिस्तान विरूद्ध झिम्बाब्वे यांच्यात सुपर 12चा रोमांचक सामना झाला. सामन्याच्या सुरुवातीला बऱ्याच प्रेक्षकांना असं वाटलेलं की पाकिस्तान झिम्बाब्वेला सहज पराभूत करेल. मात्र, झिम्बाब्वेच्या खेळाडूंनी सर्वांचा तर्क साफ खोटा ठरवला. झिम्बाब्वेने अवघ्या एका धावेने हा सामना जिंकला. त्यांच्या या विजयाने सर्वांच्या भुवया मात्र उंचावल्या आहेत. त्यातच रेयान बर्ल याने केलेले ट्वीट चांगलेच व्हायरल होत आहे.
पर्थमध्ये झालेल्या या सामन्यात झिम्बाब्वेच्या विजयामध्ये त्यांच्या गोलंदाजांनी मुख्य भुमिका बजावली. विजयानंतर झिम्बाब्वेच्या खेळाडूंचा अनोखं सिलेब्रेशन आपण सर्वांनी पाहिलेलं, त्यानंतर त्यांच्या काही खेळाडूंनी सेलिब्रेशनला भारतीय तडका दिला आहे, ज्याचे फोटो सोशल मीडियावर प्रचंड व्हायरल होत आहे.
पाकिस्तान विरूद्ध झालेल्या सामन्यात झिम्बाब्वेने पाकिस्तानवर अवघ्या 1 धावेने विजय मिळवतं चारी मुंड्या चीत केले. या विजयानंतर झिम्बाब्वेच्या रेयान बर्ल (Ryan Burl) याने सोशल मीडियावर एक फोटो शेअर केला आहे. ज्यात त्याच्यासोबत त्याचा सहकारी गोलंदाज ब्रॅड इव्हान्स (Brad Evans) हा देखील झळकला आहे. या फोटोत बर्ल आणि इव्हान्स या दोघांनीही एक भारतीय बिअर हातात घेऊन सेलिब्रेशन केलं आहे. या सेलिब्रेशने झिम्बाब्वेच्या विजयाला जणू भारतीय तडकाचं देऊन टाकला.
या फोटोवर भारतीय क्रिकेट रसिक जाम खुश आहेत. भारतीय बिअरसोबतच्या सेलिब्रेशन केल्याने पाकिस्तानच्या पराभवाच्या या जखमेवर चांगलचं मीठ चोळलं आहे.
Can’t believe what just happened 🇿🇼 #t20worldcup pic.twitter.com/sFyWMsLcX0
— Ryan Burl (@ryanburl3) October 27, 2022
आयसीसी टी20 विश्वचषक 2022 च्या 24व्या सामन्यात पाकिस्तान आणि झिम्बाब्वे यांच्यात थरारक लढत बघण्यास मिळाली. झिम्बाब्वेने नाणेफेक जिंकत फलंदाजीचा निर्णय घेतला. पावरप्लेमध्ये झिम्बाब्वेच्या फलंदाजांनी 2 गडी गमावतं 47 धावा केल्या. मात्र, नंतर धावगती संथ पडली आणि त्यांना 20 षटकांमध्ये 130 धावा बनवता आल्या.
झिम्बाब्वेसाठी सीन विलियम्सने सर्वाधिक 31 धावा केल्या. झिम्बाब्वेने दिलेल्या 130 धावांच्या आव्हानाचा पाठलाग करण्यासाठी उतरलेल्या पाकिस्तानने 94 धावांवरचं आपले 6 गडी गमावले. शान मसूदची 44 धावांची एकाकी झुंज अपयशी ठरली, आणि पाकिस्तानचा अवघ्या एका धावेने पराभव झाला.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
क्रिकेटविश्वातील सर्वात क्रेझी आकडेवारी, ऑस्ट्रेलियात आंतरराष्ट्रीय टी20मध्ये विराटच किंग!
ये दुख काहे खतम नहीं होता! झिम्बाब्वेने पाकिस्तानला पाजलं पराभवाचं पाणी, बाबरची रिऍक्शन कॅमेऱ्यात कैद
