पाकिस्तानचा युवा गोलंदाज शाहीन आफ्रिदीला (Shaheen Afridi) काही दिवसांपूर्वी ‘आयसीसी प्लेयर ऑफ द इयर'(ICC player of the year) म्हणून निवडण्यात आले आहे. शाहीन आफ्रिदीने मागच्या वर्षी २२.२ च्या सरासरीने ३६ आंतरराष्ट्रीय सामन्यांमध्ये एकूण ७८ विकेट घेतल्या आहेत. शाहीन आफ्रिदीने या पुरस्कारबद्दल त्याच मत व्यक्त केलं आहे आणि त्याच्या स्वप्नाचाही खुलासा त्याने केला आहे. शाहीन आफ्रिदीने आंतरराष्ट्रीय सामन्यात आपली हॅट्रिक पूर्ण करण्यासाठी तीन भारतीय खेळाडूंची निवड केली आहे.
ईएसपीएन क्रिकइन्फोला दिलेल्या एका मुलाखतीत आफ्रिदीला विचारले गेले की, ड्रीम हॅट्रीकसाठी तुम्हाला कोणत्या फलंदाजांची विकेट घ्यायला आवडेल. त्यावर तो भारतीय फलंदाजांची नावे घेत म्हणाला, “विराट कोहली (Virat Kohli), रोहित शर्मा (Rohit Sharma) आणि केएल राहुल (Kl Rahul) या तीन भारतीय फलंदाजांची विकेट घेऊन हॅट्रिक पूर्ण करण्याचं त्याचं स्वप्न आहे”.
पुढे शाहीन आफ्रिदीला त्याच्या कारकीर्दीतील सगळ्यात खास विकेट कोणती? असं विचारण्यात आलं, तेव्हा त्याने विराट कोहलीचं नाव घेतलं. आफ्रिदीने गेल्या वर्षी आयसीसी टी२० विश्वचषकादरम्यान विराट कोहली, रोहित शर्मा आणि केएल राहुल या फलंदाजांना बाद केले होते, हे भारताच्या पराभवाचं मोठं कारण ठरलं होतं.
आफ्रिदीला त्याच्या कारकिर्दीचा शेवट कोणत्या विक्रमासह करायचा आहे, असे विचारण्यात आले. यावर तो म्हणाला, ‘मला तिन्ही क्रिकेट प्रकारामध्ये नंबर वन व्हायचे आहे”. आफ्रिदीने त्याच्या छोट्या कारकिर्दीत जबरदस्त छाप पाडली आहे आणि त्याला सर्वोत्तम वेगवान गोलंदाज म्हणून ओळखले जाते.
अधिक वाचा – टी२० विश्वचषकात भारताविरुद्ध सामनावीर बनलेल्या शाहीनला ‘या’ दिग्गजाकडून मिळालेला कानमंत्र, आता झाला खुलासा
२०२१ च्या टी२० विश्वचषक स्पर्धेत भारतविरुद्ध पाकिस्तान सामन्यात भारतीय संघाला प्रथम फलंदाजीची संधी मिळाली होती. पण पाकिस्तानच्या शाहीन आफ्रिदीने भारताचे दोन्ही सलामीवीर बाद केले. रोहित शर्मा पहिल्याच चेंडूवर शून्यावर, तर केएल राहुल ३ धावांवर माघारी परतला. विराट कोहली आणि रिषभ पंत या जोडीने संघाला सावरलं होतं. पंतने ३९ तर विराटने ५७ धावा केल्या. पण विराटलासुद्धा शाहीन शाह आफ्रिदीनेच बाद केले. त्यानंतर १५२ धावांच्या आव्हानाचा पाठलाग करताना पाकिस्तानच्या सलामीवीरांनी संघाला सामना जिंकवून दिला.
व्हिडिओ पाहा – २०१९ विश्वचषक सेमीफायनलनंतर काय घडलं होतं भारतीय संघाच्या ड्रेसिंग रूममध्ये
पाकिस्तानच्या बाबर आझमला ‘आयसीसी मेन्स वनडे ऑफ द इयर’ हा पुरस्कार देण्यात आला आहे. तसेच पाकिस्तानची २० वर्षीय युवा महिला क्रिकेटपटू फातिमा सनाला ‘आयसीसी वुमन्स इमर्जिंग क्रिकेटर ऑफ द इयर’ पुरस्कार मिळाला आहे.
महत्त्वाच्या बातम्या –
हर्षा भोगलेंचा दावा; ‘हे’ दोन युवा फलंदाजच गाजवणार आयपीएलचा बाजार; जाणून घ्या नावे
युवराज सिंगने सांगितली ४ खेळाडूंची नावे, जे टीम इंडियातील निवडीसाठी सर्वाधिक पात्र
वेस्ट इंडिजविरुद्ध पहिल्या वनडेत रिषभच्या खांद्यावर मोठी जबाबदारी? बीसीसीआयकडून आली माहिती