पॅरिस ऑलिम्पिक वादाच्या भोवऱ्यात; शिस्तभंग केल्याप्रकरणी भारतीय खेळाडूंची हकालपट्टी

पॅरिस ऑलिम्पिक 2024 मध्ये 7 ऑगस्ट रोजी कुस्तीपटू पंघलची महिला फ्रीस्टाइल 53 किलो कुस्ती स्पर्धा होती. ज्यामध्ये तिला राउंड ऑफ 16 मध्ये पराभवाला सामोरे जावे लागले होते. यानंतर आता तिच्या संबंधित वाद समोर आला आहे. याबाबत भारतीय ऑलिम्पिक संघटनेकडे (IOC) तक्रार करण्यात आली होती. ही तक्रार शेवटी पंघल आणि तिच्या संपूर्ण टीमशी संबंधित होती. जे की फ्रान्स अधिकाऱ्यांनी केले. या वादग्रस्त घटनेनंतर तिची आणि संपूर्ण टीमची ऑलिम्पिक व्हिलेजची मान्यता रद्द करून सर्वांना भारतात परत पाठवण्यात आले.

फ्रेंच अधिकाऱ्यांनी भारतीय ऑलिम्पिक असोसिएशनकडे तक्रार केली होती की पंघलने आपल्या बहिणीला ऑलिम्पिक व्हिलेजमध्ये प्रवेश मिळवून देण्यासाठी आपल्या मान्यतेचा वापर केला होता. या प्रकरणाच्या चौकशीनंतर आयओएने अंतिम आणि तिच्या टीमवर कठोर कारवाई करून त्यांना देशात परत पाठवण्याचा निर्णय घेतला.

काय आहे संपूर्ण प्रकरण?
अंतिम पंघलने तिच्या बहिणीला ऑलिम्पिक व्हिलेजमध्ये प्रवेश मिळवण्यासाठी मान्यता दिली. ही बाब फ्रेंच अधिकाऱ्यांच्या लक्षात येताच त्यांनी या प्रकरणाची तक्रार आयओएकडे केली.

सूत्रांनी दिलेल्या माहितीनुसार, तिच्या बहिणीने शेवटचा प्रयत्न म्हणून ऑलिम्पिकमध्ये प्रवेश करण्याचा प्रयत्न केला, परंतु सुरक्षा अधिकाऱ्यांनी तिला पकडले. यानंतर बहिणीला पोलिसांच्या ताब्यात देण्यात आले आणि याची माहिती आयओएला पाठवण्यात आली.  आयओएने (IOA) पोलिसांना बहिणीला पोलिस ठाण्यात थांबवू नका, अशी विनंती केली, त्यानंतर तिला हॉटेलमध्ये परत पाठवण्यात आले. मात्र, आता शिस्तभंगामुळे संपूर्ण संघ पॅरिसहून भारतात परतत आहे.

पॅरिस ऑलिम्पिक 2024 मध्ये महिलांच्या 53 किलो फ्रीस्टाइल स्पर्धेच्या 16 च्या फेरीत अंतिम पंघलला तुर्कीच्या झेनेप येटगिलकडून पराभव पत्करावा लागला. तांत्रिक श्रेष्ठतेच्या जोरावर यतगीलने बाजी मारली. ती 23 वर्षांखालील युरोपियन चॅम्पियनशिपची कांस्यपदक विजेती देखील राहीली आहे.

हेही वाचा-

“तू हरली नाहीस.. तूला हरवलं..”, विनेश फोगटच्या निवृत्तीनंतर बजरंग पुनियाचे मोठे वक्तव्य
भारतासह महाराष्ट्राचं स्वप्न भंगलं; मराठमोळ्या अविनाश साबळेची झुंज अपयशी
गोल्डन बाॅय नीरज चोप्रासह हाॅकी संघ मैदानात, पाहा पॅरिस ऑलिम्पिकमधील भारताचे आजचे वेळापत्रक