पॅरिस ऑलिम्पिक 2024 मध्ये नेमबाजीत कांस्यपदक जिंकून सर्वांना चकित करणाऱ्या स्वप्नील कुसाळेला महाराष्ट्र सरकारने बक्षीस म्हणून 2 कोटी रुपये दिले होते. आता स्वप्नीलचे वडील सुरेश कुसाळे म्हणतात की, स्वप्नीलला 2 कोटी नाही तर 5 कोटी रुपये बक्षीस म्हणून द्यायला हवे होते. एवढेच नाही तर मुलगा स्वप्नील यालाही फ्लॅट मिळावा, अशी मागणीही त्यांनी महाराष्ट्र सरकारसमोर मांडली आहे
सुरेश कुसळे म्हणतात की, महाराष्ट्र सरकारने नवीन धोरण जारी केले आहे, ज्याअंतर्गत ऑलिम्पिक कांस्यपदक विजेत्याला 2 कोटी रुपयांचे बक्षीस दिले जाईल. एकाच स्पर्धेत ऑलिम्पिक पदक जिंकणारा स्वप्नील हा महाराष्ट्रातील दुसरा खेळाडू असताना सरकार असे धोरण कसे काय करू शकते. असे ते म्हणाले. हरियाणा सरकारचे उदाहरण देताना सुरेश कुसाळे म्हणाले की, ऑलिम्पिक पदक जिंकण्यासाठी तेथील खेळाडूंना जास्त पैसे मिळतात.
आपल्या मुलाने ऑलिम्पिक पदक जिंकल्याबद्दल पाच कोटी रुपये आणि पुण्यात फ्लॅट मिळावा. असे सुरेश कुसळे यांचे मत आहे. ते म्हणाले, “स्वप्नीलला 5 कोटी रुपयांचे बक्षीस मिळायला हवे. याशिवाय त्याला पुण्यातील बालेवाडी क्रीडा संकुलाजवळ एक फ्लॅट मिळावा, जेणेकरून तो सरावासाठी तेथे लवकर पोहोचू शकेल. त्यासोबतच स्वप्नीलच्या नावाने 50 मीटर 3 पोझिशन रायफल नेमबाजीचा आखाडा देखील उघडले पाहिजे.”
पॅरिस ऑलिम्पिकमध्ये कांस्यपदक जिंकल्याबद्दल रेल्वेने स्वप्नील कुसळेला बढती देऊन विशेष कर्तव्य अधिकारी पद दिले होते. स्वप्नीलपूर्वी के.डी. जाधव ऑलिम्पिकमध्ये एकेरी स्पर्धेत पदक जिंकणारा महाराष्ट्रातील पहिला खेळाडू होता. जाधव यांनी 1952 मध्ये फ्रीस्टाइल कुस्तीत कांस्यपदक जिंकले.
हेही वाचा-
शान मसूदच्या नेतृत्वाखाली पाकिस्तानने रचला इतिहास! मुल्तानमध्ये केली मोठी कामगिरी
भारत-बांगलादेश सामन्यावर पावसाचे सावट? कसे राहणार दिल्लीतील हवामान?
Champion’s Trophy; भारतीय संघ ठरवणार चॅम्पियन्स ट्रॉफीच्या फायनलचे ठिकाण?
