Quinton De Kock Six, BBL 2023: सध्या ऑस्ट्रेलियात सुरू असलेल्या बिग बॅश लीग 2023-24 स्पर्धेत एकापेक्षा एक फलंदाज जलवा दाखवत आहेत. कुणी कमी चेंडूत जास्तीत जास्त धावा करून मैफील लुटत आहे, तर कुणी गगनचुंंबी षटकार मारून प्रेक्षकांच्या भुवया उंचावत आहे. असेच काहीसे दक्षिण आफ्रिकेचा विस्फोटक फलंदाज क्विंटन डी कॉक यानेही या स्पर्धेत केले आहे. त्याने एक शॉट असा मारला, ज्यामुळे चेंडू थेट स्टेडिअमच्या बाहेर गेला. आता यादरम्यानचा व्हिडिओ सोशल मीडियावर आगीसारखा व्हायरल होत आहे.
डी कॉकचा जबरदस्त षटकार
झाले असे की, शनिवारी (दि. 23 डिसेंबर) होबार्ट हरिकेन्स विरुद्ध मेलबर्न रेनेगेड्स (Hobart Hurricanes vs Melbourne Renegades) आमने-सामने होते. या सामन्यात होबार्ट हरिकेन्स (Hobart Hurricanes) संघाने नाणेफेक जिंकत गोलंदाजीचा निर्णय घेत मेलबर्न संघाला फलंदाजीसाठी पाचारण केले होते. यावेळी मेलबर्नकडून सलामीला फलंदाजी करताना क्विंटन डी कॉक याने विस्फोटक अंदाजात फटकेबाजी केली. त्याने आपल्या खेळीत 3 चौकार आणि 3 षटकारांचा समावेश होता. डी कॉकने यावेळी मारलेल्या 3 पैकी एका षटकाराने सर्वांचे लक्ष वेधले.
मेलबर्न रेनेगेड्स (Melbourne Renegades) संघाच्या डावातील पाचवे षटक ख्रिस जॉर्डन (Chris Jordan) टाकत होता. त्याने पहिला चेंडू वाईड टाकला. यावेळी डी कॉकच स्ट्राईकवर होता. यानंतर डी कॉकने एक धाव घेत स्ट्राईक जो क्लार्कला दिली. त्यानेही दुसऱ्या चेंडूवर धाव घेतली, ज्याने स्ट्राईक पुन्हा डी कॉककडे आली. यावेळी जॉर्डनने टाकलेल्या तिसऱ्या चेंडूवर डी कॉकने पूर्ण ताकदीनिशी शॉट मारला. हा शॉट इतका जबरदस्त होता की, चेंडू थेट स्टेडिअमच्या बाहेर गेला. हा षटकार 94 मीटर लांबीचा होता, जो स्पर्धेतील सर्वात लांब षटकार असावा. यावेळी काही उत्साही प्रेक्षकही चेंडू शोधण्यासाठी स्टेडिअमबाहेर जाताना दिसले. आता यादरम्यानचा व्हिडिओ सर्वांचे लक्ष वेधत आहे.
Quinton De Kock smashed that out of the ground. 🔥🫡 pic.twitter.com/c3BQNfWBt9
— Mufaddal Vohra (@mufaddal_vohra) December 23, 2023
डी कॉकची खेळी
डी कॉकने मेलबर्नकडून सलामीला फलंदाजी करताना 22 चेंडूंचा सामना केला. यावेळी त्याने 3 चौकार आणि 3 षटकारांच्या मदतीने 38 धावांची विस्फोटक खेळी केली. त्याला पॅट्रिक डूली टाकत असलेल्या आठव्या षटकात फ्रेजर-मॅकगर्क याने झेलबाद करत तंबूत पाठवले. डी कॉक बाद झाला, तेव्हा मेलबर्न संघाने 1 बाद 78 धावा केल्या होत्या. (Quinton De Kock smashed that out of the ground against hobart hurricanes in bbl 2023)
हेही वाचा-
बिग ब्रेकिंग! ऋतुराज दक्षिण आफ्रिकेविरुद्धच्या कसोटी मालिकेतून बाहेर, BCCIने सांगितले कुणाची लागली वर्णी
‘तुम्ही सतत दाखवा…, भांडण फक्त मैदानावर’, विराटविषयी गंभीरचे मन जिंकणारे विधान; Video पाहून चाहतेही फिदा
