कसोटी क्रिकेटमध्ये निराशाजनक कामगिरी करणाऱ्या टीम इंडियाच्या स्टार खेळाडूंना बीसीसीआयकडून रणजी ट्रॉफीमध्ये खेळण्याचे निर्देश देण्यात आले आहेत. अशा परिस्थितीत अनेक अनुभवी खेळाडू आपापल्या संघांसाठी रणजी सामना खेळत आहेत. भारताचा स्टार फलंदाज विराट कोहली देखील रणजी ट्रॉफीमध्ये आपली प्रतिभा दाखविण्यास सज्ज आहे. 2012 मध्ये शेवटचा रणजी ट्रॉफी खेळलेला विराट बऱ्याच काळानंतर दिल्लीकडून या प्रतिष्ठित देशांतर्गत क्रिकेट स्पर्धेत पुनरागमन करणार आहे.
दिल्लीचा संघ 30 जानेवारीपासून अरुण जेटली स्टेडियमवर रेल्वेविरुद्ध शेवटचा गट सामना खेळणार आहे. तत्पूर्वी, विराट कोहली आज 28 जानेवारीपासून दिल्ली रणजी ट्रॉफी संघासोबत सराव करण्याची शक्यता आहे. दिल्ली आणि जिल्हा क्रिकेट असोसिएशन (डीडीसीए) सर्व व्यवस्था सुनिश्चित करण्यासाठी तयारी करत आहे. 27 जानेवारी रोजी रेल्वेविरुद्ध होणाऱ्या सामन्यासाठी आयुष बदोनीच्या नेतृत्वाखालील दिल्ली संघात कोहलीची अधिकृतपणे निवड करण्यात आली.
2012 मध्ये मोहन नगर, गाजियाबाद येथे उत्तर प्रदेशविरुद्ध खेळल्यानंतर कोहलीचा हा पहिलाच रणजी सामना असेल. त्यावेळी कोहली भारतीय क्रिकेटचा उदयोन्मुख (emerging) स्टार होता. पण आता तो या खेळातील सर्वात मोठ्या दिग्गजांपैकी एक आहे. या माजी भारतीय कर्णधाराच्या नावावर आता 80 आंतरराष्ट्रीय शतके आहेत. डीडीसीएचे सचिव अशोक शर्मा म्हणाले की, आमच्या ज्युनियर खेळाडूंसाठी हा एक उत्तम अनुभव असेल कारण त्यांना विराटसोबत ड्रेसिंग रूम शेअर करण्याची संधी मिळेल. जर तुम्ही आमच्या संघाकडे पाहिले तर फक्त नवदीप सैनी भारताकडून आणि विराटसोबत आयपीएलमध्ये खेळला आहे. या संघातील इतर कोणत्याही खेळाडूला रणजी ट्रॉफीमध्ये विराटसोबत खेळण्याचा अनुभव नाही. त्याला पाहून तरुण खेळाडू खूप काही शिकू शकतात.
दिल्लीचा रणजी संघ – आयुष बदोनी (कर्णधार), विराट कोहली, प्रणव राजवंशी (यष्टीरक्षक), सनत सांगवान, अर्पित राणा, मयंक गुसाई, शिवम शर्मा, सुमित माथूर, वंश बेदी (यष्टीरक्षक), मणी ग्रेवाल, हर्ष त्यागी, सिद्धांत. शर्मा, नवदीप सैनी, यश धुल, गगन वत्स, जॉन्टी सिद्धू, हिम्मत सिंग, वैभव कांडपाल, राहुल गेहलोत, जितेश सिंग
हेही वाचा-
रणजी ट्राॅफीच्या शेवटच्या लीग सामन्यात नाही खेळणार रोहित, जयस्वालसह ‘हे’ स्टार खेळाडू
IND vs ENG; तिसऱ्या सामन्यातही भारताचा विजय पक्का? दिग्गज गोलंदाजाचे होणार पुनरागमन
BBL FINAL; होबार्ट हरिकेन्सने रचला इतिहास, पहिल्यांदाच जेतेपदावर कोरले नाव
