अहमदाबाद। भारतीय क्रिकेट संघ सध्या इंग्लंड विरुद्धच्या कसोटी मालिकेसाठी अहमदाबादमध्ये आहे. कसोटी मालिकेचा अखेरचा सामना गुरुवारपासून (४ मार्च) सुरु होणार आहे. या मालिकेदरम्यान कोरोना आजाराच्या नियमांमुळे भारत आणि इंग्लंडचे खेळाडू जैवसुरक्षित वातावरणात राहात आहेत. दरम्यान, भारतीय संघाचे प्रशिक्षक रवी शास्त्री यांनी कोरोना लस घेतली आहे.
शास्त्रींना चौथ्या कसोटीआधी अहमदाबादच्या ओपोलो हॉस्पिटलमध्ये कोरोना लसीचा पहिला डोस देण्यात आला आहे. याबद्दल खुद्द शास्त्रींनीच ट्विटरवरुन माहिती दिली आहे. शास्त्रींनी कोरोन लस टोचून घेतानाचा फोटो पोस्ट केला आहे. तसेच ट्विटमध्ये लिहिले आहे की ‘कोरोना लसीचा पहिला डोस घेतला आहे. भारतातील वैद्यकिय क्षेत्राचे आणि शास्त्रज्ञांचे आभार, त्यांनी भारताला या रोगाविरुद्ध सशक्त बनवले आहे. अपोलो, अहमदाबाद येथे कांताबेन आणि तिच्या टीमने दर्शविलेल्या व्यावसायिकतेमुळे अत्यंत प्रभावित झालो आहे.”
असे असले तरी अजून भारत आणि इंग्लंडच्या खेळाडूंपैकी आणखी कोणाला लस टोचण्यात आली आहे की नाही याबाबत अजून कोणतीही माहिती समोर आलेली नाही.
Got the first dose of COVID-19 vaccine. Thank you to the amazing medical professionals & scientists for empowering India 🇮🇳 against the pandemic.
Extremely impressed with the professionalism shown by Kantaben & her team at Apollo, Ahmedabad in dealing with COVID-19 vaccination pic.twitter.com/EI29kMdoDF
— Ravi Shastri (@RaviShastriOfc) March 2, 2021
भारतात कोरोना लसीकरणाचा दुसरा टप्पा
भारतात कोरोना लसीकरणाचा दुसरा टप्पा सुरु झाला असून या टप्प्यात ६० वर्षांवरील नागरिकांना आणि ४५ वर्षांवरील नागरिकांना लस दिली जात आहे. तसेच ज्यांना आजाराची जास्त भीती आहे, त्यांना देखील ही लस दिली जात आहे.
भारतीय संघ कसोटी मालिकेत आघाडीवर
सध्या भारत विरुद्ध इंग्लंड संघात सुरु असलेल्या कसोटी मालिकेतील पहिले ३ सामने संपले आहेत. या तीन सामन्यांनंतर भारतीय संघ २-१ अशा फरकाने आघाडीवर आहे. आता चौथा सामना ४ मार्चपासून सुरु होईल. हा सामना निर्णायक आणि महत्त्वाचा सामना असणार आहे. कारण हा या सामन्यानंतर केवळ मालिकेचा निकालाच नाही तर कसोटी अजिंक्यपद स्पर्धेच्या अंतिम सामन्यात न्यूझीलंडविरुद्ध कोणता संघ खेळणार हे देखील निश्चित होईल.
सध्या अंतिम सामन्यात न्यूझीलंडने प्रवेश केला आहे, तर उर्वरित एका जागेसाठी भारत आणि ऑस्ट्रेलिया संघात चूरस आहे. त्यामुळे भारत विरुद्ध इंग्लंड संघात होणारा चौथा सामनाच ठरवेल की अंतिम सामन्यात भारत की ऑस्ट्रेलिया धडक मारेल. जर चौथा कसोटी सामना भारताने जिंकला किंवा हा सामना अनिर्णित राहिला तर भारत कसोटी अजिंक्यपद स्पर्धेच्या अंतिम सामन्यात प्रवेश करेल. पण जर भारत पराभूत झाला तर ऑस्ट्रेलियाला अंतिम सामन्यात खेळण्याची संधी मिळेल.
महत्त्वाच्या बातम्या –
“जडेजाही सध्या विचार करत असेल, अंगठ्याला नक्की काय झालंय?” भारतीय दिग्गजाची प्रतिक्रिया
आर अश्विन विरुद्ध हरभजन सिंग कोण आहे सर्वश्रेष्ठ? गौतम गंभीरने दिले ‘हे’ उत्तर