भारतीय क्रिकेट संघाचा अष्टपैलू खेळाडू रवींद्र जडेजा हा चॅम्पियन्स ट्रॉफीच्या अंतिम सामन्यात “सामनावीर” पुरस्कार जिंकणारा एकमेव भारतीय खेळाडू आहे. 2013 च्या चॅम्पियन्स ट्रॉफीच्या अंतिम सामन्यात त्याने दमदार कामगिरी करत भारताला ऐतिहासिक विजय मिळवून देण्यात मोलाची भूमिका बजावली. (Ravindra Jadeja Champions Trophy 2013 final Man of the Match)
इंग्लंडमध्ये 2013 साली खेळवण्यात आलेल्या चॅम्पियन्स ट्रॉफीच्या अंतिम सामन्यात भारताचा सामना यजमान इंग्लंडशी झाला. पावसामुळे हा सामना 20-20 षटकांपर्यंत मर्यादित करण्यात आला. पहिल्या डावात फलंदाजी करताना भारतीय संघाने 129 धावा केल्या, ज्यात विराट कोहली आणि रवींद्र जडेजाने महत्त्वपूर्ण योगदान दिले. जडेजाने नाबाद 33 धावा करत भारताला लढाऊ लक्ष्य देता आले. (India vs England Champions Trophy 2013 final highlights)
लक्ष्याचा पाठलाग करताना इंग्लंडची सुरुवात चांगली झाली होती, मात्र भारतीय फिरकीपटूंनी प्रभावी मारा करत सामना भारताच्या बाजूने फिरवला. ज्यात जडेजाने 4 षटकांत 24 धावा देत 2 महत्त्वपूर्ण बळी घेतले, ज्यामुळे इंग्लंडचा डाव 124 धावांवर आटोपला. परिणामी भारताने या सामन्यात 5 धावांनी विजय मिळवला. या सामन्यात अष्टपैलू कामगिरी केल्यामुळे रवींद्र जडेजाला “सामनावीर” पुरस्काराने सन्मानित करण्यात आले. विशेष म्हणजे, चॅम्पियन्स ट्रॉफीच्या अंतिम सामन्यात हा बहुमान मिळवणारा तो एकमेव भारतीय खेळाडू ठरला. तसेच, या स्पर्धेत सर्वाधिक 12 बळी घेऊन तो “सर्वोत्कृष्ट गोलंदाज” ठरला. (Ravindra Jadeja Champions Trophy final performance)
या विजयासह भारताने एम.एस. धोनीच्या नेतृत्वाखाली चॅम्पियन्स ट्रॉफी जिंकत आयसीसीच्या सर्व प्रमुख स्पर्धा जिंकणारा पहिला संघ होण्याचा मान मिळवला. या ऐतिहासिक कामगिरीत रवींद्र जडेजाच्या योगदानाची महत्त्वाची भूमिका राहिली. रवींद्र जडेजाची अष्टपैलू कामगिरी आणि महत्त्वाच्या क्षणी दिलेला निर्णायत खेळ हा भारतीय क्रिकेटच्या सुवर्णक्षणांपैकी एक ठरला आहे. (India Champions Trophy 2013 victory details)
यंदाच्या चॅम्पियन्स ट्राॅफीच्या भारत आणि न्यूझीलंड आमने सामने येणार आहेत. या सामन्यात भारतीय संघातील खेळाडूंना शानदार खेळी करुन भारतीय संघाला चॅम्पियन बनवण्याची संधी आहे.
हेही वाचा-
भारत-न्यूझीलंड सामन्यात विराट कोहली करू शकतो रेकॉर्ड ब्रेकिंग खेळी!
अंतिम सामन्यापूर्वी सौरव गांगुली टीम इंडियासाठी काय म्हणाले? जाणून घ्या
भारत-न्यूझीलंड सामन्याबद्दल माजी प्रशिक्षकाने केले मोठे वक्तव्य! ते नक्की काय हे जाणून घ्या
