भर मैदानात पंतची कुलदीपसोबत मस्ती! हेल्मेट ओढले, टी शर्ट खेचला; काय काय केले?

भारताचा यष्टीरक्षक फलंदाज रिषभ पंत त्याच्या मस्तीखोर स्वभावासाठी ओळखला जातो. मैदानावर यष्टीमागे आपल्या मजेशीर वक्तव्यांनी तो खेळाडूंसह प्रेक्षकांचेही मनोरंजन करत असतो. दुखापतीतून सावरल्यानंतर पंत सध्या दुलीप ट्रॉफी 2024 मध्ये खेळत आहे. या स्पर्धेतही पंतचा खट्याळपणा पाहायला मिळाला, जिथे तो मैदानाच्या मध्यभागी कुलदीप यादवला डिवचताना दिसला.

पंत दुलीप ट्रॉफीमध्ये भारत ब संघाकडून खेळत आहे. हा संघ बेंगळुरूच्या एम चिन्नास्वामी स्टेडियमवर भारत अ विरुद्ध खेळत आहे. या सामन्यात पंत फलंदाजीत फ्लॉप ठरला असला तरी तो यष्टिरक्षणाच्या माध्यमातून संघाच्या विजयात हातभार लावण्याचा सर्वतोपरी प्रयत्न करत आहे. पहिल्या डावात फलंदाजी करताना पंत केवळ 7 धावांवर बाद झाला होता. मात्र दुसऱ्या डावात तो चांगल्या लयीत दिसला. जुन्या अंदाजात फलंदाजी करताना पंतने 47 चेंडूत 2 षटकार आणि 9 चौकारांच्या मदतीने 61 धावांची खेळी केली.

दरम्यान पंत सामन्यादरम्यान भारतीय संघातील सहकारी आणि दुलीप ट्रॉफीतील प्रतिस्पर्धी कुलदीप यादवची छेड काढताना दिसला. या सामन्यात 56 व्या षटकात कुलदीप यादव फलंदाजीला आला तेव्हा पंत त्याला त्रास देऊ लागला. पंतने त्याचे हेल्मेट पकडून ते ओढण्यास सुरुवात केली. यानंतर त्याने हातही ओढण्यास सुरुवात केली. कुलदीपला त्रास देण्यासाठी पंत हे सर्व मजेत करत होता. पंतला आपल्याला डिवचताना पाहून कुलदीप गालातल्या गालात हसू लागला. यानंतर पंतने कुलदीपचा टी-शर्ट पकडला आणि नंतर त्याच्या खांद्यावर हात ठेवला आणि हसत हसत काहीतरी बोलू लागला. यावेळी कुलदीपच्याही चेहऱ्यावर हास्य होते.

दोघेही आयपीएलमध्ये दिल्ली कॅपिटल्सकडून खेळतात. आयपीएलमधील त्यांचे बॉन्डिंग दुलीप ट्रॉफीतही पाहायला मिळाले.

Rishabh Pant doing fun with Kuldeep Yadav. 😂❤️

DC bloods 🩵 pic.twitter.com/D7CDSH2Rdq

— PantMP4. (@indianspirit070) September 7, 2024

विकेटच्या मागेही मस्ती करताना दिसला पंत
सामन्यादरम्यान, शॉट्स खेळल्यानंतर पंत विकेटच्या मागून विचित्र आवाज करत होता. कधी तो विचित्र हसत होता तर कधी ‘हुहूहू’ आवाज करत होता. पंतचे हे दोन्ही व्हिडिओ सध्या सोशल मीडियावर व्हायरल होत आहेत.

महत्त्वाच्या बातम्या-

बांगलादेशविरुद्धच्या कसोटी मालिकेसाठी रोहितची जंगी तयारी, जिममध्ये गाळतोय भरपूर घाम
मुंबई इंडियन्सची कॅप्टन्सी पुन्हा रोहितकडे? गणेश चतुर्थीला दिली हिंट
बीसीसीआयच्या ‘या’ नियमावर भडकला अश्विन, केले खळबळजनक वक्तव्य