चौथी कसोटी टीम इंडियासाठी करा किंवा मरो अशी परिस्थिती आहे, शुबमन गिल आणि संघाला कोणत्याही परिस्थितीत विजयाची आवश्यकता आहे. दुखापतग्रस्त खेळाडूंमुळे भारतीय संघ अडचणीत आहे, नितीश कुमार रेड्डी संपूर्ण मालिकेतून बाहेर आहे. अर्शदीप सिंग देखील चौथी कसोटी खेळणार नाही. रिषभ पंतबद्दल अशीही बातमी आली होती की तो चौथ्या कसोटीत फलंदाज म्हणून खेळू शकतो, त्याला विकेटकीपिंग करणे कठीण आहे. दरम्यान एक व्हिडिओ समेर आला आहे, ज्यामुळे गिलचा एक ताण दूर झाला आहे हे स्पष्ट होते.
तिसऱ्या कसोटीच्या पहिल्या दिवशी ऋषभ पंतला बोटाला दुखापत झाली. त्यानंतर तो मैदानाबाहेर गेला, ध्रुव जुरेलने संपूर्ण कसोटीत विकेटकीपिंग केले. रिषभ पंत फलंदाजी करत असला तरी तो पूर्णपणे तंदुरुस्त नव्हता. यानंतर अनेक वृत्तांतात असे म्हटले गेले की पंत चौथ्या कसोटीतून बाहेर पडू शकतो किंवा फक्त फलंदाज म्हणून प्लेइंग 11 मध्ये समाविष्ट होऊ शकतो. पण त्याच्या नवीन व्हिडिओमुळे थोडा दिलासा मिळाला आहे.
VIDEO | Indian wicket-keeper batter Rishabh Pant (@RishabhPant17) resumes his keeping duty during the practice session at the Old Trafford Cricket stadium in Manchester, UK after sustaining an injury in the last Test.#RishabhPant #indiavsengland pic.twitter.com/L5xzJILONk
— Press Trust of India (@PTI_News) July 21, 2025
रिषभ पंतचा एक व्हिडिओ समोर आला आहे, जो मँचेस्टरमध्ये सराव करतानाचा आहे. पंत विकेटकीपिंगचा सराव करत आहे. त्याने बराच काळ विकेटकीपिंग केले आणि त्याला कोणताही त्रास होत नव्हता असे वाटत होते. चौथ्या कसोटीत रिषभ पंत विकेटकीपिंग करेल अशी शक्यता आहे.
रिषभ पंतने इंग्लंडविरुद्धच्या या मालिकेतील पहिल्या कसोटीत दोन्ही डावांमध्ये शतके (134,118) केली. दुसऱ्या कसोटीच्या दुसऱ्या डावात त्याने 65 धावांची महत्त्वाची खेळी खेळली दुखापत असूनही, त्याने तिसऱ्या कसोटीच्या पहिल्या डावात 74 धावा केल्या, दुसऱ्या डावात तो 9 धावा काढल्यानंतर बाद झाला.
