आयसीसी चॅम्पियन्स ट्रॉफीमध्ये (ICC Champions Trophy 2025) भारताविरुद्ध झालेल्या पराभवानंतर संपूर्ण पाकिस्तान हादरला आहे. चाहते रडत आहेत आणि क्रिकेट तज्ञ त्यांचा राग काढत आहेत. विराट कोहलीच्या (Virat Kohli) शतकाच्या मदतीने भारताने 6 गडी राखून शानदार विजय मिळाला. भारताने या स्पर्धेत सलग दुसरा विजय मिळवला. भारताचे सेमीफायनलचे स्थान जवळजवळ निश्चित झाले आहे.
दुसरीकडे, पाकिस्तान संघ अडचणीत सापडला आहे. आता त्याला इतर संघांच्या निकालांवर अवलंबून राहावे लागेल. अन्यथा पाकिस्तान संघ या स्पर्धेच्या बाहेर पडेल. दरम्यान भारतीय संघाच्या विजयानंतर आणि विराट कोहलीच्या शतकानंतर पाकिस्तानचा कर्णधार मोहम्मद रिझवानने (Mohammad Rizwan) मोठे वक्तव्य केले आहे.
भारताविरुद्धच्या सामन्यात पराभव झाल्यानंतर पाकिस्तानचा कर्णधार मोहम्मद रिझवानची वेदना समोर आली आहे. सामन्यानंतरच्या पत्रकार परिषदेत त्याने सांगितले की त्याचे खेळाडू वारंवार त्याच चुका करत आहेत आणि त्याने कबूल केले की येथे भारताविरुद्धच्या पराभवानंतर त्याच्या संघाची चॅम्पियन्स ट्रॉफी मोहीम जवळजवळ संपली आहे. भारतापूर्वी न्यूझीलंडने पाकिस्तानला 60 धावांनी हरवले होते. ग्रुप अ मधील त्यांचा शेवटचा सामना (27 फेब्रुवारी) रोजी बांगलादेशविरुद्ध असेल.
रिझवानने भारताच्या विजयाचे श्रेय विराट कोहलीला दिले, ज्याने त्याचे 51वे वनडे शतक आणि पाकिस्तानविरुद्ध चौथे शतक झळकावले, त्याने कोहलीचे खूप कौतुक केले. रिझवान म्हणाला, “तो किती मेहनत घेत होता हे पाहून मला आश्चर्य वाटते. जग म्हणत आहे की, तो फॉर्ममध्ये नाही, पण त्याने इतक्या मोठ्या सामन्यात सहज धावा केल्या. आम्ही त्याला बाहेर काढण्यासाठी शक्य ते सर्व प्रयत्न केले पण आम्हाला ते शक्य झाले नाही.”
महत्त्वाच्या बातम्या-
“भारतीय युवा स्टारला पाकिस्तानी दिग्गजाने दिली दाद, काय म्हणाले वसीम अकरम?”
जियो हॉटस्टार वरती ऐतिहासिक क्षण! भारत-पाकिस्तान सामन्याने गाठला 60 कोटी प्रेक्षकांचा नवा उच्चांक
भारत-पाक क्रिकेट भविष्यवाणी फसली! – IIT बाबांच्या वक्तव्यावर टीकेचा भडिमार.
