खराब फाॅर्ममधून जाणारा रोहित शर्मा रणजी ट्रॉफीमध्ये परतणार, चक्क इतक्या वर्षांनी स्पर्धेत खेळणार
ऑस्ट्रेलियाविरुद्धच्या बॉर्डर-गावस्कर ट्रॉफीमध्ये भारतीय कर्णधार रोहित शर्माची कामगिरी खूपच निराशाजनक होती. यानंतर रोहित शर्माच्या निवृत्तीच्या बातम्या समोर येत आहेत. पण रोहित शर्माने निवृत्तीशी संबंधित बातम्या पूर्णपणे फेटाळून लावल्या. मात्र, यादरम्यान आता रोहित शर्माशी संबंधित महत्त्वाची माहिती समोर येत आहे. रोहित शर्मा रणजी ट्रॉफी खेळण्यास तयार आहे. यासाठी रोहित शर्मा गुरुवारपासून वानखेडे स्टेडियमवर सरावाला सुरूवात करणार आहे. मुंबई संघ रणजी स्पर्धेत जम्मू आणि काश्मीरविरुद्धच्या सामन्याने आपली मोहीम सुरू करेल.
मुंबई क्रिकेट असोसिएशनशी संबंधित सूत्रांनी दिलेल्या माहितीनुसार, रोहित शर्मा वानखेडे स्टेडियमवर नेट सरावासाठी येईल. तथापि, रोहित शर्मा जम्मू आणि काश्मीर विरुद्धच्या रणजी ट्रॉफी सामन्यात खेळेल की नाही हे स्पष्ट नाही. यापूर्वी, सुमारे 10 वर्षांपूर्वी, रोहित शर्मा रणजी ट्रॉफीमध्ये मुंबईच्या जर्सीमध्ये दिसला होता. रोहित शर्मा 2015 पासून रणजी ट्रॉफीचा भाग नाही. मात्र असे मानले जात आहे की जवळजवळ 10 वर्षांनंतर रोहित शर्मा रणजी ट्रॉफीमध्ये मुंबईकडून खेळताना दिसेल. पण भारतीय कर्णधार काय निर्णय घेतो हे पाहणे मनोरंजक असेल. पण रणजी ट्रॉफीमध्ये रोहित शर्माचे पुनरागमन शक्य आहे.
🚨 ROHIT SHARMA IS BACK. 🚨
– Rohit has informed the Mumbai team that he’ll be coming for the Ranji Trophy practice session scheduled tomorrow at Wankhede. (Express Sports). pic.twitter.com/LHkv48Mmtu
— Mufaddal Vohra (@mufaddal_vohra) January 13, 2025
याआधी, रोहित शर्मा ऑस्ट्रेलियाविरुद्धच्या बॉर्डर-गावस्कर ट्रॉफीमध्ये वाईटरित्या अपयशी ठरला होता. त्या मालिकेत रोहित शर्माने 10.93 च्या सरासरीने 31 धावा केल्या. यानंतर रोहित शर्माने शेवटच्या कसोटीपासून स्वतःला वगळले. मालिकेत रोहित शर्माच्या नेतृत्वाखालील भारतीय संघाला ऑस्ट्रेलियाविरुद्ध बॉर्डर-गावस्कर ट्रॉफीमध्ये 3-1 असा पराभव स्वीकारावा लागला. अशाप्रकारे, भारतीय संघाने 10 वर्षांनी बॉर्डर-गावस्कर ट्रॉफी गमावली. यानंतर, रोहित शर्माच्या फलंदाजीव्यतिरिक्त, त्याच्या कर्णधारपदावर सतत प्रश्न उपस्थित केले जात आहेत.
हेही वाचा-
Champions Trophy; भारत-पाकिस्तान सोडून सर्व संघांची घोषणा, जाणून घ्या 6 संघांचे स्क्वाड
‘या’ 3 भारतीय खेळाडूंनी चॅम्पियन्स ट्राॅफीमध्ये केले सर्वाधिक वेळा नेतृत्व
माजी दिग्गजाने सांगितली विराटला फाॅर्ममध्ये आणण्याची ट्रिक! म्हणाला, “त्याला सांगा पाकिस्तानविरूद्ध…”
