इंडियन प्रीमियर लीग अर्थात आयपीएलच्या चौदाव्या हंगामाची सुरुवात येत्या ९ एप्रिलपासून सुरू होणार आहे. या हंगामासाठी सगळ्यांच संघांनी जोरदार तयारी सुरू केली आहे. नुकतीच भारत विरुद्ध इंग्लंडची मालिका देखील संपल्याने आता उर्वरित भारतीय खेळाडू देखील लवकरच आपापल्या संघात दाखल होतील.
आता या हंगामाशी निगडित असलेला एक व्हिडिओ सोशल मिडीयावर जोरदार चर्चेत आहे. मुंबई इंडियन्सचा कर्णधार रोहित शर्माचा हा व्हिडिओ चाहत्यांच्या पसंतीस पडतो आहे.
“मोहाला करा मित्र”
मुंबई इंडियन्सचा विद्यमान कर्णधार रोहित शर्मा आयपीएल इतिहासातील सर्वात यशस्वी कर्णधार आहे. आयपीएल इतिहासात तब्बल ५ जेतेपदं त्याच्या नावावर आहेत. मागील हंगामाचे जेतेपद देखील त्याच्याच नेतृत्वाखाली मुंबई इंडियन्सने पटकावले. आता या हंगामात विक्रमी सहाव्या जेतेपदाचे लक्ष्य त्यांच्या डोळ्यासमोर असेल.
याच संदर्भात एक जाहिरात आयपीएलने प्रसारित केली आहे. ज्यात रोहित शर्मा सहावे जेतेपद पटकावण्याबाबत बोलतो आहे. यात रोहित कप मोजत असतांना दिसून येत आहे. त्यातील पाच कप झाल्यानंतर अजून एक कप हवा, म्हणजेच अजून एक जेतेपद हवे, असे तो सूचित करतो. त्यानंतर “मोहाला मित्र करा आणि जिंकण्याची भूक वाढवा. हा आहे भारताचा नवा मंत्र”, असे तो पुढे म्हणतो. त्याचा हा अनोखा अंदाज चाहत्यांना भलताच आवडला आहे.
रोहित शर्मा आहे फॉर्मात
या जाहिरातीत म्हंटल्याप्रमाणेच रोहित शर्मा आयपीएलच्या याही हंगामात मुंबई इंडियन्सला विजेतेपद पटकावून देण्यासाठी कंबर कसून तयार असेल. सध्या तो फलंदाजीही जोरदार फॉर्मात असून त्याचा फायदाही मुंबई इंडियन्सला होण्याची शक्यता आहे. त्यामुळे यंदाच्या हंगामात चाहत्यांच्या लाडक्या मुंबईला रोहित अजून एक विजेतेपद मिळवून देणार, अशीच आशा चाहते करतील.
महत्वाच्या बातम्या:
शार्दूल ठाकूर आणि भुवनेश्वर कुमारने सांगितले तिसर्‍या वनडे सामन्यातील यशाचे रहस्य, पाहा व्हिडिओ
असं नक्की घडलं काय की विराट आणि वूडमध्ये पेटला वाद, चाहत्यांनाही पडला प्रश्न
