भारतात सध्या होळीचा सण मोठ्या प्रमाणावर साजरा केला जात आहे. केवळ देशभरातच नव्हे तर जगभरातील सर्व भारतीय हा सण आनंदाने साजरा करत असतात. त्याचवेळी मुंबई येथे सुरू असलेल्या वुमेन्स प्रिमियर लीगच्या पहिल्या हंगामातही होळीचा रंग दिसून आला. रॉयल चॅलेंजर्स बेंगलोर (आरसीबी) संघाच्या खेळाडूंनी होळीचा सण आपल्या हॉटेलमध्ये अतिशय खेळीमेळीच्या वातावरणात साजरा केला.
आरसीबीने आपल्या इंस्टाग्राम पेजवरुन संघाने साजरा केलेल्या होळीची काही छायाचित्रे शेअर केली. यामध्ये विदेशी खेळाडू मोठ्या प्रमाणात सहभागी झाल्याचे दिसत आहे. एलिस पेरी, हिदर नाईट व सोफी डिवाईन या विदेशी खेळाडूंसह स्मृती मंधाना, रिचा घोष यांनी देखील या सणाचा आनंद घेतला.
या पोस्टला कॅप्शन देताना लिहिले आहे की,
‘सणाचा दिवस, खेळाडूंमधील नाते आणि खूप सारे हसू. सर्वांना होळीच्या मनःपूर्वक शुभेच्छा.’
https://www.instagram.com/p/Cpe_ebshFDD/?igshid=YmMyMTA2M2Y=
आरसीबीसाठी या स्पर्धेची सुरुवात आतापर्यंत मनासारखी झाली आपल्या पहिल्या सामन्यातच त्यांना दिल्ली कॅपिटल्सने 60 धावांनी पराभूत केले होते. त्यानंतर झालेल्या दुसऱ्या सामन्यात मुंबई इंडियन्सने त्यांच्यावर एकतर्फी वर्चस्व गाजवत 9 विकेट्सने सामना आपल्या नावे केला. त्यांचा तिसरा सामना गुजरात जायंट्स संघाशी होणार आहे. गुजरातला देखील आपल्या पहिल्या दोन सामन्यात पराभूत व्हावे लागले होते. या सामन्यातून दोन्ही संघ आपले पहिले गुण कमावण्याचा प्रयत्न करतील.
(Royal Challengers Banglore Women’s Celebrate Holi In WPL Camp Smriti Mandhana Elysse Perry Enjoy)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
जेव्हा गोलंदाजीचा बादशाह बॅटिंगमधील ‘किंग’ला नडलेला; मॉडर्न क्रिकेटमधील ‘हा’ किस्सा वाचाच
सचिनच्या ‘त्या’ हुशारीमुळे द्रविडने न्यूझीलंडच्या गोलंदाजांचा केलेला बाजार, मालिकाही सोडवलेली बरोबरीत
