माणसाच्या आयुष्यात कधी-कधी अकनाक अपघात घडत असतात. शुक्रवारी (११ मार्च) पाकिस्तानचा ३० वर्षीय गोलंदाज रूम्मन रईस (Rumman Raees) याच्यासाठी अशीच एक वाईट बातमी आली आहे. त्याची २ वर्षांची मुलगी खेळण्याच्या नादात बिल्डिंगच्या पहिल्या मजल्यावरून खाली (Rumman Raees Daughter Fall) पडली आहे. यामुळे तिला गंभीर दुखापतही झाली असून तिला जवळच्या रुग्णालयातही दाखल करण्यात आले आहे. तिथे तिच्यावर उपचार सुरू आहेत.
माध्यमांतील वृत्तांनुसार, पाकिस्तानचा क्रिकेटपटू रुम्मन रईस याची मुलगी (Rumman Raees 2 Years Daughter) एका इमारतीच्या पहिल्या मजल्यावरून खाली पडली आहे आणि तिला खूप गंभीर जखमाही झाल्या आहेत. या घटनेनंतर त्वरित तिला जवळच्या रुग्णालयात दाखल करण्यात आले आहे. तिथे तिला अतिदक्षता कक्ष अर्थात आयसीयूमध्ये ठेवले गेले असून तिथे तिच्यावर उपचार सुरू आहेत. तिच्या डोक्यात गंभीर दुखापती झाल्या आहेत आणि तिच्या नाकाचे हाडही तुटले आहे.
आपल्या मुलीसोबत झालेल्या अपघातानंतर रुम्मनने त्याच्या मुलीसाठी प्रशंसकाकडे प्रार्थना करण्याची विनंती केली आहे.
I request to all to Please pray for daughter of Rumman Raees ..She is in ICU , May Allah give her full recovery pic.twitter.com/4B6XT3g6YM
— Mission Daily Updates (@Mishi827) March 12, 2022
रुम्मन रईसची क्रिकेटमधील कामगिरी
डावखुरा मध्यमगती गोलंदाज रुम्मन नुकताच पाकिस्तान सुपर लीगमध्ये खेळताना दिसला होता. त्याने पाकिस्तान सुपर लीगमध्ये इस्लामाबाद युनायटेड आणि मुल्तान सुल्तान्स संघाचे प्रतिनिधित्त्व केले आहे.
त्याच्या आंतरराष्ट्रीय कारकिर्दीवर नजर टाकायची झाल्यास, त्याने २०१६ मध्ये वेस्ट इंडिजविरुद्ध अबु धाबी येथे टी२० सामन्याद्वारे आंतरराष्ट्रीय पदार्पण केले होते. तर चँपियन्स ट्रॉफी २०१७ मधील इंग्लंडविरुद्धच्या उपांत्य सामन्याद्वारे त्याने वनडे क्रिकेटमध्येही पाऊल ठेवले होते. गोलंदाज मोहम्मद आमिरने पाठीच्या दुखापतीमुळे या सामन्यात खेळू शकला नव्हता. त्यामुळे त्याला पदार्पणाची संधी मिळाली होती.
त्याने आतापर्यंत १७ आंतरराष्ट्रीय सामने खेळले आहेत. यामध्ये ९ वनडे आणि ८ टी२० सामन्यांचा समावेश आहे. त्याने ९ वनडे सामन्यांमध्ये खेळताना १४ विकेट्स घेतल्या आहेत. तर ८ टी२० सामने खेळताना ८ विकेट्सही खात्यात नोंदवल्या आहेत. त्याने शेवटचा आंतरराष्ट्रीय सामना जानेवारी २०१८ मध्ये न्यूझीलंडविरुद्ध खेळला होता. तेव्हापासून त्याला पाकिस्तानच्या संघात जागा मिळालेली नाही.
महत्त्वाच्या बातम्या-
तब्बल १० वर्षानंतर भारतीय क्रिकेटमध्ये घडली ही घटना; बेंगलोर कसोटीत मयंक धावबाद होताच…
सहावी ओव्हर, सहावा चेंडू, रोहितचा षटकार अन् दर्शकाचं नाक; थेट रुग्णालयात करावं लागलं दाखल
Video: मुंबई इंडियन्सची नवी ‘आपली जर्सी’ पाहिली का? लई भारी दिसतेय