मुंबई । मास्टर ब्लास्टर सचिन तेंडुलकर असे नाव आहे ज्यांने क्रिकेटमध्ये अनेक विक्रम आपल्या नावावर केले आहेत. सचिनने आंतरराष्ट्रीय क्रिकेटमध्ये 100 शतके ठोकली. त्याने सर्वाधिक कसोटी धावा, सर्वाधिक वनडे आंतरराष्ट्रीय धावा, सर्वाधिक वनडे शतके असे एकापेक्षा एक मोठे विक्रम सचिनने केले.
तथापि, भारताला विश्वचषक जिंकून देणारे कर्णधार कपिल देव म्हणतात की, “सचिनला आपले शतक दुहेरी शतक आणि तिहेरी शतकात कसे रूपांतर करावे हे माहित नव्हते. तो कधीही निष्ठूर फलंदाज होऊ शकला नाही. त्याने आपल्या कारकीर्दीत किमान 5 ट्रिपल शतकं झळकायला हवीत होती, पण मास्टर ब्लास्टर एकदा ही कामगिरी करू शकला नाही.”
कपिल देव डब्ल्यू.व्ही. रमन यांच्याशी खास संभाषणात म्हणाले, “सचिन अत्यंत हुशार होता, आम्ही कुणामध्ये इतकी प्रतिभा पाहिली नव्हती. सचिनकडे सर्व काही होते, पण शतकाचे दुहेरी शतक आणि तिहेरी शतकात रूपांतर करणे त्याला माहित नव्हते. सचिनकडे इतकी प्रतिभा होती की, त्याने किमान पाच तिहेरी शतके आणि 10 अधिक दुहेरी शतके ठोकायला पाहिजे होते.”
ते म्हणाले, “सचिन प्रत्येक षटकात वेगवान गोलंदाज आणि फिरकी गोलंदाजांवर षटकार किंवा चौकार ठोकू शकला असता. तथापि, सचिन मुंबई क्रिकेटमध्ये अडकला. तिथे असे धोरण होते की जेव्हा आपण शतक ठोकता तेव्हा आपला डाव 0 पासून पुन्हा सुरू करावा. आणि मी त्या विरोधात होतो. मी सचिनला सांगितले की तु सेहवागसारखे खेळले पाहिजे.”
“मी सेहवागला सचिनसारखे खेळण्याचा सल्ला द्यायचो. आपल्याकडे बरेच शॉट्स आहेत. फक्त 30 मिनिटे प्रतीक्षा करा आणि शतक आपल्या चरणात असेल आणि मी सचिनला म्हणायचो की वीरेंद्र सेहवागकडून शिक. शतक झळकावल्यानंतर प्रत्येक षटकात एक किंवा दोन चौकार मारण्याचा प्रयत्न कर. जेणेकरून पुढच्या 20 षटकांत तो दुहेरी शतकाच्या जवळ पोहोचशील. हा दोघांमध्ये फरक होता. सचिन तेंडुलकरकडे अमर्याद सामर्थ्य होते. परंतु शतक ठोकल्यानंतर एक धाव घेऊन स्ट्राइक बदलत होता,” असे कपिल देव यांनी सांगितले.
