“भारताच्या ‘या’ राज्यात बनेल एमएस धोनीचे मंदीर,” माजी क्रिकेटरचे मोठे विधान

सध्या संयुक्त अरब अमिरातीत चालू असलेल्या आयपीएलच्या १३ व्या हंगामात एमएस धोनीचा चेन्नई सुपर किंग्स फ्लॉप ठरला आहे. दरम्यान धोनीलाही चांगले वैयक्तिक प्रदर्शन करण्यात अपयश आले आहे. तरीही त्याच्या लोकप्रियतेत मात्र कसालही फरक पडलेला नाही. अशात माजी भारतीय क्रिकेटपटू संजय बांगर यांनीही धोनीच्या लोकप्रियतेविषयी मोठे विधान केले आहे.

एमएस धोनीचे मंदीर बनेल!

स्टार स्पोर्ट्स आयपीएल २०२०शी संबंधित एका कार्यकर्मात बोलताना संजर बांगर म्हणाले की, “एमएस धोनी हे भारत देशातील खूप मोठे नाव आहे. चेन्नई सुपर किंग्स संघाचे चाहते तर त्याच्यावर जिवापाड प्रेम करतात. तमिळनाडूत ज्याप्रकारे अभिनेता रजनीकांत आणि जय ललिता यांच्यासाठी लोक वेडे आहेत. अगदी त्याचप्रमाणे धोनीबद्दलही तेथील लोक खूप भावनिक आहेत.”

“मला तर वाटते की येत्या काही वर्षांमध्ये तमिळनाडूत एमएस धोनीचे मोठे मंदीर देखील बनू शकते. असे घडल्यास मला जरासेसे आश्चर्य वाटणार नाही,” असे पुढे बोलताना संयज बांगर यांनी म्हटले.

भारत क्रिकेटवेड्या लोकांचा देश

तसे तर, भारत हा क्रिकेटवेड्या लोकांचा देश आहे असे म्हटले जाते. माजी भारतीय क्रिकेटपटू सचिन तेंडूलकरला देण्यात आलेली क्रिकेटचा देव ही उपमा हे याचे उत्तम उदाहरण आहे. तसेच धोनी, कपिल देव, सुनिल गावसकर, रोहित शर्मा, विराट कोहली अशा कित्येक भारतीय क्रिकेटपटूंचे लाखो-करोडो चाहते आहेत.

गुणतालिकेत शेवटचे स्थान