राजस्थान रॉयल्सचा कर्णधार संजू सॅमसन यानं आयपीएल 2024 मध्ये शानदार कामगिरी केली आहे. सॅमसनचा संघ सध्या गुणतालिकेत दुसऱ्या स्थानावर आहे.
देशभरात संजू सॅमसनच्या चाहत्यांची संख्या लाखोंच्या घरात आहे. राजस्थानच्या सामन्यादरम्यान याचा अंदाज लावता येतो. दरम्यान, संजूच्या चाहत्याचा एक हटके व्हिडिओ समोर आला. व्हिडिओमध्ये चाहता संजू सॅमसनची पेंटिंग बनवताना दिसत आहे.
राजस्थान रॉयल्सनं ‘X’ या सोशल मीडिया प्लॅटफॉर्मवर हा व्हिडिओ शेअर केला. यामध्ये केरळमधील एक चाहता संजू सॅमसनचं पेंटिंग बनवताना दिसत आहे. महत्त्वाची गोष्ट म्हणजे तो छतावर पेंटिंग करतोय. याआधीही सॅमसनची अनेक पेंटिंग काढण्यात आली आहेत, मात्र चाहत्यानं छतावर पेंटिंग करण्याची ही पहिलीच वेळ आहे. संजूच्या चाहत्याचा हा व्हिडिओ ‘X’ वर खूप पसंत केला जात आहे. यावर चाहत्यांनी विविध प्रतिक्रिया दिल्या आहेत. तुम्ही हा व्हिडिओ येथे पाहू शकता.
Just spotted in Kerala… 🔥💗 pic.twitter.com/O33Yx5iSRO
— Rajasthan Royals (@rajasthanroyals) May 14, 2024
संजू सॅमसननं आयपीएल 2024 मध्ये चांगली कामगिरी केली आहे. या मोसमात त्यानं 12 सामन्यांत 486 धावा केल्या आहेत. या दरम्यानं त्यानं 5 अर्धशतकंही झळकावली. 86 ही त्याची सर्वोच्च धावसंख्या आहे, जी त्यानं दिल्ली कॅपिटल्सविरुद्ध रचली होती.
संजू सॅमसनच्या आयपीएल कारकिर्दीबद्दल बोलायचं झालं तर, त्यानं आयपीएलच्या 164 सामन्यांमध्ये 4374 धावा केल्या आहेत. या कालावधीत त्यानं 3 शतकं आणि 25 अर्धशतकं झळकावली. सॅमसनची आयपीएलमधील सर्वोच्च धावसंख्या 119 आहे.
आयपीएल 2024 मधील राजस्थान रॉयल्सनं आतापर्यंत दमदार कामगिरी केली आहे. राजस्थाननं 12 सामने खेळले, ज्यापैकी 8 सामने जिंकले असून 4 सामन्यांमध्ये पराभव पत्कारला आहे. गुणतालिकेत संघ 16 गुणांसह दुसऱ्या स्थानावर आहे. कोलकाता नाईट रायडर्स 19 गुणांसह अव्वल स्थानावर आहे.
महत्त्वाच्या बातम्या –
पावसामुळे सामना रद्द, चाहत्यांचे पैसे मिळणार परत; गुजरात टायटन्स संघाची घोषणा
टी20 विश्वचषकासाठी बांगलादेशच्या संघाची घोषणा, शाकिब नाही तर ‘या’ युवा खेळाडूकडे नेतृत्व
