थायलंडमध्ये 04 मार्च 2022 रोजी ‘फिरकीचा जादूगार’ शेन वॉर्न (Shane Warne) याचा आकस्मिक मृत्यू (Shane Warne Died) झाला. तो 52 वर्षांचा होता. आंतरराष्ट्रीय क्रिकेटमध्ये 1000 हून अधिक विकेट्स घेणाऱ्या वॉर्नने हृद्यविकाराच्या झटक्याने (Shane Warne Died Of Heart Attack) जगाला अलविदा केला. वॉर्न मृत्यूवेळी थायलँडमधील कोह सामुईमध्ये होता आणि त्याच्या खोलीत बेशुद्ध अवस्थेत आढळला होता.
आपल्या 15 वर्षांच्या क्रिकेट कारकिर्दीदरम्यान विक्रमांचा रतीब घालणारा वॉर्न वैयक्तिक आयुष्यामुळेही (Shane Warne Personal Life) खूप चर्चेत राहिला आहे. त्याचे वैयक्तिक आयुष्य सिनेमाच्या कहानीप्रमाणेच रंजक राहिले आहे. लग्नानंतरही त्याचे काही अभिनेत्रींसोबत प्रेमसंबंध (Shane Warne Love Affairs) राहिले. त्यातही त्याला प्रेमाबरोबरच कटूतेचा अधिक सामना करावा लागला. याबद्दल सविस्तर आपण या बातमीत जाणून घेणार आहेत.
10 वर्षे चालले विवाहित आयुष्य
वॉर्नने १९९५ मध्ये सिमोन कैलाहनसोबत लग्नगाठ बांधली होती. त्यांना 3 मुलेही आहेत. 10 वर्षे एकमेकांसोबत राहिल्यानंतर वॉर्न 2006 मध्ये सिमोन कैलाहनपासून वेगळा झाला होता.
लिज हर्लेसोबत राहिले नाते
सिमोन कैलाहनला सोडचिठ्ठी दिल्यानंतर ऑस्ट्रेलियाच्या या दिवंगत फिरकीपटूने लिज हर्लेसोबत जवळिक वाढवली होती. ते दोघे 2010 ते 2013 दरम्यान एकमेकांसोबत राहिले होते. परंतु पुढे त्यांच्यात मतभेद निर्माण झाल्यामुळे ते एकमेकांपासून वेगळे झाले होते. मात्र वेगळे झाल्यानंतरही ते बऱ्याचदा एकमेकांवरील प्रेम व्यक्त करताना, एकत्र फिरताना, एकमेकांचे कौतुक करताना दिसले होते. त्यांच्यातील नात्याबद्दल बोलताना एका मुलाखतीत वॉर्न म्हणाला होता की, भलेही आम्ही एकमेकांसोबत राहात नसलो, तरीही आम्ही एकमेकांना आवडतो. याच कारणामुळे त्यांचे नाते बरेच चर्चेत राहिले होते.
एमिली स्कॉटसोबतही होते नाते
याखेरीज वॉर्नचे नाव ऑस्ट्रेलियाची मॉडेल आणि डिजे एमिली स्कॉट हिच्यासोबतही जोडले गेले होते. 2006 साली पहिल्यांदा त्यांची भेट झाली होती. त्यानंतर ते दोघे काही काळ सोबत राहिले. पण त्यांचे नाते जास्त दिवस टिकू शकले नाही आणि 2013 मध्ये वॉर्नने तिच्यापासून वेगळे होण्याचा निर्णय घेतला होता.
मार्गो रॉबीसोबतही जोडले गेले होते नाव
इतकेच नव्हे तर, हॉलिवूड अभिनेत्री मार्गो रॉबी हिच्यासोबतही वॉर्नच्या अफेयरची चर्चा होती. वॉर्न ऑस्ट्रेलियात जन्मलेल्या या अभिनेत्रीच्या प्रत्येक इंस्टाग्राम पोस्टला लाईक करत असे. तसेच त्यावर कमेंट करत असे. यामुळे सातत्याने त्यांची चर्चा होत असायची. असे असले तरीही, कधीही त्यांच्यातील नात्याबद्दल कोणती अधिकृत माहिती कधी पुढे आली नव्हती.
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
वॉर्नने गोलंदाजीत अनेक विक्रम केले, पण फलंदाजीतील ‘हा’ दुर्मिळ कारनामाही त्याच्याच नावावर
शेन वॉर्नच्या आयुष्यातील सर्वात कठीण काळ; सर्वांपासून लपून रडायचा ‘शतकातील सर्वोत्तम चेंडू’ टाकणारा फिरकीपटू
