वेस्ट इंडिजविरुद्धच्या मालिकेत धवन- राहुलच्या जोडीसमोर ४ मोठे सवाल, असा काढू शकतात मार्ग

टीम इंडियाचा पुढचा मुक्काम वेस्ट इंडिजचा इंग्लंडला ३ वनडे मालिकेत पराभूत करणे आहे. या शुक्रवारपासून दोन्ही देशांमधील ३ वनडे मालिकेला सुरुवात होणार आहे. वर्कलोड मॅनेजमेंट अंतर्गत, नियमित कर्णधार रोहित शर्मा, विराट कोहली, रिषभ पंत, हार्दिक पंड्या आणि जसप्रीत बुमराह या वरिष्ठ खेळाडूंना या मालिकेसाठी विश्रांती देण्यात आली आहे. केएल राहुलवर अलीकडेच स्पोर्ट्स हर्नियाची शस्त्रक्रिया झाली असून तो सध्या रिकव्हरी मोडमध्ये आहे. अशा स्थितीत तो एकदिवसीय मालिका खेळणार नाही. अशा परिस्थितीत, त्या खेळाडूंना स्वत:ला सिद्ध करण्याची आणखी एक संधी मिळेल, जे अनेकदा बेंचवर बसलेले असतात.

एकदिवसीय मालिकेसाठी कर्णधारपदी नियुक्त झालेले प्रशिक्षक राहुल द्रविड आणि शिखर धवन यांना पहिल्या वनडेपूर्वी ४ मोठ्या प्रश्नांची उत्तरे शोधावी लागणार आहेत. ते चार मोठे प्रश्न कोणते आहेत आणि त्यांची उत्तरे काय असू शकतात हे एक एक करून बघुयात.

प्रश्न क्रमांक-१: धवनसोबत कोण असेल सलामीवीर?
भारतीय संघ व्यवस्थापन इशान किशनला भारताचा पहिला पसंतीचा सलामीवीर आणि यष्टिरक्षक म्हणून निवडत आहे. शिखर धवन वरच्या फळीत रोहितचा जोडीदार म्हणून परतल्याने इशान किशन इंग्लंडमध्ये एकदिवसीय मालिका खेळू शकला नाही. मात्र, रोहितच्या अनुपस्थितीत इशान सलामीच्या शर्यतीत आघाडीवर आहे. किशनने कर्णधार धवनसह डावाची सुरुवात केल्यास भारताकडे आघाडीच्या फळीत दोन डावखुरे फलंदाज असतील. भारतीय संघ व्यवस्थापनाला डावे-उजवे संयोजन हवे असेल, तर ऋतुराज गायकवाड आणि शुभमन गिल यांच्यापैकी एकाचा प्रयत्न केला जाऊ शकतो.

गायकवाड आत्तापर्यंत एकही आंतरराष्ट्रीय एकदिवसीय सामना खेळलेला नाही
ऋतुराज गायकवाड अजून एकही आंतरराष्ट्रीय एकदिवसीय खेळलेला नाही. पण, देशांतर्गत एकदिवसीय क्रिकेटमध्ये त्याचा विक्रम चांगला आहे. ६३ डावांमध्ये त्याने १०० च्या स्ट्राईक रेटने आणि ५५ च्या सरासरीने धावा केल्या आहेत. २०२१ मध्ये, ऋतुराजने विजय हजारे ट्रॉफी या देशांतर्गत एकदिवसीय स्पर्धेत महाराष्ट्रासाठी ४ शतकांच्या मदतीने ६०३ धावा केल्या. त्याचा स्ट्राईक रेट ११३ होता. दुसरीकडे, शुभमनचे वनडे संघात पुनरागमन झाले आहे. तो आत्तापर्यंत ३ वनडे खेळला आहे. डिसेंबर २०२० मध्ये तो ऑस्ट्रेलियात शेवटचा एकदिवसीय सामना खेळला होता. हा त्याचा शेवटचा लिस्ट-ए सामना देखील होता, त्यामुळे त्याने ५० षटकांच्या फॉरमॅटमध्ये अलीकडील सामन्याचा सराव केला नाही आणि १८ महिन्यांनंतर तो एकदिवसीय संघात परतला आहे. अलीकडेच, गिलने आयपीएल २०२२ मध्ये गुजरात टायटन्ससाठी सलामीवीर म्हणून १३२.३२ च्या स्ट्राइक रेटने ४८३ धावा केल्या. अशा परिस्थितीत धवनच्या जोडीदाराची निवड करताना भारतीय संघ व्यवस्थापनाला खूप मेहनत करावी लागू शकते.

प्रश्न क्रमांक-२: मधल्या फळीत कोण खेळू शकतो?
वेस्ट इंडिजविरुद्धच्या वनडे मालिकेत मधली फळी कशी असेल? कोणत्या खेळाडूंना संधी मिळू शकते? या प्रश्नाचे उत्तर धवन आणि प्रशिक्षक द्रविडलाही शोधावे लागणार आहे. सूर्यकुमार यादव हे निश्चितच मधल्या फळीत दिसणारे नाव आहे. म्हणजेच, उर्वरित दोन-तीन स्लॉटसाठी श्रेयस अय्यर, दीपक हुडा, संजू सॅमसन आणि शक्यतो गिल यांच्यात रंजक लढत होईल.

अय्यरचा फॉर्म चिंता वाढवतो
गेल्या वर्षी खांद्याच्या दुखापतीमुळे श्रेयस अय्यर बराच काळ मैदानाबाहेर होता. पुनरागमन झाल्यापासून त्याची कामगिरी चांगली झालेली नाही. सर्व संघांना शॉर्ट बॉलसमोर त्याची कमजोरी कळून चुकली आहे. अशा स्थितीत तो आता मर्यादित षटकांच्या क्रिकेटमध्ये मधल्या फळीत सूर्यकुमार यादवपेक्षा मागे पडला आहे. श्रेयसने इंग्लंडविरुद्ध ३ वनडे मालिकेतील फक्त पहिला सामना खेळला. यानंतर कोहलीमुळे त्याला प्लेइंग इलेव्हनमधील स्थान गमवावे लागले. आता कोहलीला विश्रांती देण्यात आल्याने श्रेयस तिसऱ्या क्रमांकावर फलंदाजी करण्याची शक्यता आहे.

सॅमसनने आतापर्यंत फक्त एक वनडे खेळला आहे. गेल्या वर्षी त्याने श्रीलंकेविरुद्ध वनडे पदार्पणात ४६ धावा केल्या होत्या. त्याच्या फलंदाजीत सातत्य नाही, असे त्याच्याबद्दल सर्वांचेच मत आहे. अलीकडेच त्याने आयर्लंड दौऱ्यावर झालेल्या टी-२० सामन्यात ४२ चेंडूत ७७ धावा केल्या होत्या. वेस्ट इंडिजविरुद्धच्या एकदिवसीय मालिकेत त्याला संधी मिळाल्यास तो मोठी खेळी खेळण्यास उत्सुक असेल.

प्रश्न क्रमांक-३: अष्टपैलू खेळाडू म्हणून भारताकडे किती पर्याय आहेत?
दीपक हुडाने या वर्षाच्या सुरुवातीला वेस्ट इंडिजविरुद्ध मधल्या फळीतील फलंदाज म्हणून एकदिवसीय क्रिकेटमध्ये पदार्पण केले. तेव्हापासून, तो मर्यादित षटकांच्या क्रिकेटसाठी भारताच्या योजनांचा एक भाग आहे. या आयपीएलमध्ये त्याने लखनौ सुपर जायंट्ससाठी ४५१ धावा केल्या होत्या. तो बहुतेक वेळा तिसऱ्या क्रमांकावर खेळला. अलीकडेच त्याने याच क्रमांकावर खेळताना आयर्लंडविरुद्ध टी-२० मध्येही शतक झळकावले आहे.

खालच्या क्रमवारीत हुड्डा महत्त्वाची भूमिका बजावू शकतो?
वेस्ट इंडिजविरुद्धच्या वनडे मालिकेसाठी हार्दिक आणि पंतला विश्रांती देण्यात आली आहे. अशा परिस्थितीत रवींद्र जडेजा किंवा अक्षर पटेल यांच्यासोबत हुड्डा खालच्या फळीत महत्त्वाची भूमिका बजावू शकतो. हुड्डा ऑफ-स्पिन गोलंदाजी देखील करतो आणि लिस्ट-ए क्रिकेटमध्ये त्याचा इकॉनॉमी रेट ४.४५ आहे. शिवाय वेगवान गोलंदाजीतअष्टपैलू म्हणून शार्दुल ठाकूर हा एकमेव पर्याय आहे.

प्रश्न क्रमांक-४: भारताचा वेगवान आक्रमण कसा असेल?
वेस्ट इंडिजविरुद्धच्या एकदिवसीय मालिकेत आपल्या खालच्या फळीतील फलंदाजी मजबूत करण्यासाठी, भारत रवींद्र जडेजाला ७व्या क्रमांकावर आणि शार्दुल ठाकूरला ८व्या क्रमांकावर खेळवू शकतो आणि युझवेंद्र चहलला प्रथम पसंती फिरकीपटू असू शकते. अशा परिस्थितीत स्पेशालिस्ट वेगवान गोलंदाजांसाठी दोनच जागा असतील. ती भरून काढण्यात मोहम्मद सिराज आघाडीवर आहे. उर्वरित एका जागेसाठी आवेश खान, प्रसिद्ध कृष्णा आणि अर्शदीप सिंग या तीन गोलंदाजांपैकी एकाची निवड करावी लागेल. अर्शदीप दुखापतीमुळे इंग्लंडविरुद्धच्या वनडे मालिकेत दिसला नाही. त्याच वेळी, प्रसिद्ध ३ सामन्यात केवळ २ विकेट घेऊ शकला. प्रसिद्ध आणि आवेश दोघांकडेही वेग आहे आणि चांगल्या विकेटवरूनही फलंदाजीला चांगला बाउन्स मिळतो. अशा स्थितीत भारतीय संघ व्यवस्थापन दुसऱ्या वेगवान गोलंदाजासाठी या दोघांपैकी एकाला संधी देऊ शकते.

महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा

महत्त्वाच्या बातम्या-

लॉर्ड्सवर पुजाराची कॅप्टन्स इनिंग! ठोकले नाबाद शतक; वॉशिंग्टनचे ‘सुंदर’ पदार्पण

लहानपणीच सुंदर खेळायचा लॅंकेशायरसाठी! नक्की काय होते हे प्रकरण

अखेरच्या वनडेत उतरताच स्टोक्सच्या डोळ्यात तरळले अश्रू! पाहा भावूक करणारा व्हिडिओ