भारतीय क्रिकेट संघात गब्बर म्हणून ओळखला जाणारा शिखर धवन सध्या संघाबाहेर आहे. त्याला नुकताच संपन्न झालेल्या आयसीसी टी२० विश्वचषक स्पर्धेसाठी देखील भारतीय संघात स्थान दिले गेले नव्हते. तो संघाबाहेर असला तरी देखील सोशल मीडियाच्या माध्यमातून तो चाहत्यांशी नेहमी जोडलेला असतो. नुकताच त्याने मजेशीर व्हिडिओ शेअर केला आहे, जो सध्या सोशल मीडियावर चर्चेचा विषय ठरतोय.
शिखर धवन हा मैदानावर नेहमी आक्रमक असतो.परंतु मैदानाबाहेर तो आपल्या मजेशीर स्वभावासाठी प्रसिद्ध आहे.सोशल मीडियावर त्याचे कोट्यवधी फॉलोवर्स आहेत. त्यांचे मनोरंजन करण्यासाठी तो मजेशीर फोटो आणि व्हिडिओ शेअर करत असतो. नुकताच त्याने एक व्हिडिओ शेअर केला आहे, ज्यामध्ये त्याने हिवाळ्यातील वस्त्र परिधान केले आहेत.
व्हायरल होत असलेल्या व्हिडिओ मध्ये शिखर धवनने हिवाळ्यातील वस्त्र परिधान केले आहेत. तसेच तो काहीतरी खाताना दिसून येत आहे. इतक्यात त्याला एक कॉल येतो आणि कॉल वर एक मुलगी म्हणत की, ” हॅलो बेबी काय करतोय?” हा प्रश्न विचारल्यानंतर शिखर धवन थोडा विचार करतो आणि शेवटी “बेबी तर क्वार्टर घ्यायला गेला आहे,” असे म्हणतो.
हा व्हिडिओ शिखर धवनने आपल्या अधिकृत सोशल मीडिया अकाऊंटवर शेअर केला असून त्याने कॅप्शन म्हणून, “बेबी काय करतोय,” असे लिहिले आहे.
https://www.instagram.com/reel/CWlJlFGqK4T/?utm_medium=copy_link
हा व्हिडिओ चाहत्यांच्या भलताच पसंतीचा ठरतोय. एका चाहत्याने यावर मजेशीर प्रतिक्रिया देत, “असे काम फक्त एक सरदार करू शकतो..” असे लिहिले आहे. तर आणखी एका युजरने मजेशीर प्रतिक्रिया देत,” असं वाटतंय बायकोची आठवण येत आहे, “असे लिहिले. आहे.
यापूर्वी देखील शिखर धवनचे काही मजेशीर व्हिडिओ सोशल मीडियावर प्रचंड व्हायरल झाले होते. एका व्हिडिओमध्ये तो भारतीय संघाचा युवा सलामीवीर फलंदाज पृथ्वी शॉ सोबत मस्ती करताना दिसून आला होता. तर आणखी एका व्हिडिओमध्ये युझवेंद्र चहलची पत्नी धनश्री वर्मा सोबत डान्स करताना दिसून आला होता.
महत्त्वाच्या बातम्या –
काय सांगता!! कुत्रा करतोय यष्टीरक्षण आणि क्षेत्ररक्षण, खुद्द मास्टर-ब्लास्टरने शेअर केलाय व्हिडिओ
अजिंक्य रहाणे नशिबामुळे टिकून आहे भारतीय संघात? वाचा काय म्हणाले गंभीर आणि इरफान
‘चहल २०२२ टी२० विश्वचषकासाठी ऑस्ट्रेलियाला जाणार’, दिग्गज भारतीय यष्टीरक्षकाचा विश्वास
