Shubman Gill Records: भारतीय संघाचा नवा कसोटी कर्णधार शुबमन गिलला जेव्हा ही जबाबदारी मिळाली, तेव्हा त्याला फलंदाज म्हणूनही स्वतःला सिद्ध करण्याची मोठी जबाबदारी होती. गिलने इंग्लंड दौऱ्यावर फलंदाजीत असा पराक्रम दाखवला की, त्याने अनेक नवीन रेकाॅर्ड केले. मात्र, ओव्हलमध्ये खेळल्या गेलेल्या सामन्याच्या पहिल्या डावात त्याने 21 धावा केल्या, तर दुसऱ्या डावात केवळ 11 धावा केल्या, त्यामुळे या दौऱ्याचा शेवट गिलला अपेक्षेप्रमाणे करता आला नाही. गिलने या दौऱ्यावर एकूण 754 धावा केल्या, पण तरीही तो एका मोठ्या रेकाॅर्डला थोडक्यात मुकला.
इंग्लंडविरुद्धच्या 5 सामन्यांच्या या कसोटी मालिकेत शुबमन गिलने 10 डावांमध्ये फलंदाजी करताना 75.4च्या सरासरीने एकूण 754 धावा केल्या, ज्यात 4 शतकी खेळींचा समावेश होता. भारताकडून कसोटी क्रिकेटच्या इतिहासात एका मालिकेत एका खेळाडूने केलेल्या या दुसऱ्या सर्वाधिक धावा आहेत. या यादीत पहिल्या क्रमांकावर सुनील गावस्करांचे नाव आहे, ज्यांनी 1971 मध्ये वेस्ट इंडिज दौऱ्यावर खेळल्या गेलेल्या कसोटी मालिकेत एकूण 774 धावा केल्या होत्या. गिल हा मोठा रेकाॅर्ड मोडण्यापासून फक्त 21 धावा दूर राहिला. (Sunil Gavaskar Record Broken) मात्र, असे असूनही त्याने अनेक रेकाॅर्ड आपल्या नावावर केले, ज्यात कर्णधार म्हणून परदेशात एका कसोटी मालिकेत सर्वाधिक धावा करण्याच्या बाबतीत त्याने गॅरी सोबर्सचा रेकाॅर्ड मोडण्यात यश मिळवले. (Shubman Gill Records)
भारतासाठी कोणत्याही एका कसोटी मालिकेत सर्वाधिक धावा करणारे खेळाडू:
सुनील गावस्कर – 774 धावा (विरुद्ध वेस्ट इंडिज, 1971)
शुबमन गिल – 754 धावा (विरुद्ध इंग्लंड, 2025)
सुनील गावस्कर – 732 धावा (विरुद्ध वेस्ट इंडिज, 1978-79)
यशस्वी जयस्वाल – 712 धावा (विरुद्ध इंग्लंड, 2024)
विराट कोहली – 692 धावा (विरुद्ध ऑस्ट्रेलिया, 2014-15)
शुबमन गिलने 25 वर्षांच्या वयात आंतरराष्ट्रीय क्रिकेटमध्ये आपल्या 6,000 धावा देखील पूर्ण केल्या. गिलने आतापर्यंत आंतरराष्ट्रीय क्रिकेटमध्ये एकूण 113 सामने खेळले आहेत, ज्यात त्याच्या बॅटमधून 46.15च्या सरासरीने 6,000 धावा निघाल्या आहेत. गिलने या दरम्यान 18 शतकी आणि 25 अर्धशतकी खेळी केल्या आहेत, ज्यात त्याची सर्वोत्तम धावसंख्या 269 धावा आहे. (International Cricket 6000 Runs)
परदेशी कसोटी मालिकेत 4 शतके झळकावणारा पहिला कर्णधार बनला:
लीड्स कसोटी – 147 धावा
एजबेस्टन कसोटी – 269 आणि 161 धावा
ओल्ड ट्रॅफर्ड – 103 धावा
एका कसोटी मालिकेत 4 शतके झळकावणारा तिसरा भारतीय बनला:
सुनील गावस्कर – विरुद्ध वेस्ट इंडिज (1970-71)
विराट कोहली – विरुद्ध ऑस्ट्रेलिया (2014)
शुबमन गिल – विरुद्ध इंग्लंड (2025)
एकही अर्धशतक न करता एका कसोटी मालिकेत 700 हून अधिक धावा करणारा तिसरा खेळाडू बनला:
डॉन ब्रॅडमन (ऑस्ट्रेलिया) – 974 धावा (4 शतके)
वॉल्टर हॅमंड (इंग्लंड) – 905 धावा (4 शतके)
डॉन ब्रॅडमन (ऑस्ट्रेलिया) – 806 धावा (4 शतके)
शुबमन गिल (भारत) – 754 धावा (4 शतके)
