व्वा! वॉर्नरने झेप घेत एका हाताने टिपला अविस्मरणीय झेल, पाहा व्हिडिओ

ऑस्ट्रेलियाचा दिग्गज फलंदाज डेविड वॉर्नरने श्रीलंकेविरुद्धच्या पहिल्या एखदिवसीय सामन्यात अप्रतिम क्षेत्ररक्षणाचे प्रदर्शन केले. मंगळवारी (१४ जून) श्रीलंका आणि ऑस्ट्रेलिया यांच्यातील पाच सामन्यांची एकदिवसीय मालिका सुरू झाली. पहिल्या सामन्यात श्रीलंकन संघाने नाणेफेक जिंकून फलंदाजीचा निर्णय घेतला. श्रीलंकन संघाने ११५ धावांपर्यंत एकही विकेट गमावली नव्हती, पण पुढच्या १९ धावा करताना संघाने तीन महत्वाच्या विकेट्स गमावल्या. यादरम्यान डेविड वॉर्नरने एक जबरदस्त झेल घेतला.

श्रीलंकन संघ फलंदाजी करत असताना २६ व्या षटकात एस्टन एगर गोलंदाजीसाठी आला. षटकातील ५ व्या चेंडूवर धनंजय डिसिल्वा (Dhananjay De Silva) स्ट्राईकवर होता. हा चेंडूवर डिसिल्वाने मोठा शॉट खेळण्याचा प्रयत्न केला. पण त्याने मारलेला शॉट लॉन्ग ऑफच्या दिशेने होता आणि तो ३० यार्ड सर्कलच्या बाहेर जाऊ शकला नाही. त्याठिकाणी क्षेत्ररक्षणासाठी उभा असेलला डेविड वॉर्नर (David Warner) याने एक अप्रतिम झेल पकडून डिसिल्वाला तंबूचा रस्ता दाखवला. त्याला मोठी खेळी करता आली नाही, १७ चेंडूत ७ धावा करून डिसिल्वाने मैदान सोडले.

#SLvAUS @davidwarner31 brilliant catch pic.twitter.com/tM87rexduD

— Nageswar Gajula???????? (@NageswarGajula) June 14, 2022

संघाची धावसंख्या ११५ असताना त्यांनी एकही विकेट गमावली नव्हती, पण डिसिल्वाची विकेट जेव्हा पडली, तेव्हा धावसंख्या होती ३ विकेट्सच्या नुकसानावर १३४. या मधल्या १९ धावांमध्ये दानुष्का गुनाथिलका (५५) आणि पथुम निशांका (५६) यांनी खूप कमी अंतराने विकेट्स गमावल्या. या दोन्ही सलामीवीरांनी वैयक्तिक अर्धशतके ठोकली आणि शतकी भागीदारी देखील केली.