दक्षिण आफ्रिकेनं 2025 च्या चॅम्पियन्स ट्रॉफीसाठी संघ जाहीर केला आहे. टेम्बा बवुमा याच्याकडे कर्णधारपदाची धुरा सोपवण्यात आली आहे. बवुमाचा आतापर्यंतचा रेकॉर्ड चांगला आहे. गेल्या टी20 विश्वचषकात दक्षिण आफ्रिकेनं शानदार कामगिरी केली होती. संघ अंतिम फेरीपर्यंत पोहोचला होता. आता ते चॅम्पियन्स ट्रॉफीसाठी सज्ज आहेत.
दक्षिण आफ्रिकेनं संघात तीन घातक गोलंदाजांना स्थान दिलं. लुंगी एनगिडी आणि अ‍ॅनरिक नॉर्किया टीममध्ये परतले आहेत. एनगिडीनं ऑक्टोबर 2024 मध्ये आयर्लंडविरुद्ध संघासाठी शेवटचा एकदिवसीय सामना खेळला होता. एनगिडीचा आतापर्यंतचा रेकॉर्ड चांगला आहे. त्यानं दक्षिण आफ्रिकेसाठी 62 एकदिवसीय सामने खेळले. या काळात त्यानं 96 विकेट्स घेतल्या आहेत. एका सामन्यात 58 धावा देऊन 6 बळी घेणे ही त्याची सर्वोत्तम कामगिरी आहे. केशव महाराज, तबरेज शम्सी, रायन रिकेल्टन आणि कागिसो रबाडा हे देखील संघाचा भाग आहेत. रबाडा हा संघाचा सर्वात घातक गोलंदाज आहे.
अनुभवी नोर्कियाचं बऱ्याच काळानंतर एकदिवसीय संघात पुनरागमन झालं. तो आता चॅम्पियन्स ट्रॉफीमध्ये खेळताना दिसेल. नॉर्कियानं सप्टेंबर 2023 मध्ये ऑस्ट्रेलियाविरुद्ध दक्षिण आफ्रिकेसाठी शेवटचा एकदिवसीय सामना खेळला होता. त्यानं आतापर्यंत दक्षिण आफ्रिकेसाठी 22 एकदिवसीय सामने खेळले. या काळात त्यानं 36 विकेट्स घेतल्या आहेत.
चॅम्पियन्स ट्रॉफी 2025 साठी दक्षिण आफ्रिकेचा संघ – तेम्बा बवुमा (कर्णधार), ट्रिस्टन स्टब्स, तबरेज शम्सी, हेनरिच क्लासेन, डेव्हिड मिलर, एडन मार्करम, टोनी डी झोर्झी, रसी व्हॅन डर डुसेन, लुंगी एनगिडी, रायन रिकेल्टन, वायन मुल्डर, केशव महाराज, मार्को यानसन, कागिसो रबाडा, अ‍ॅनरिक नॉर्किया
हेही वाचा –
आता आयपीएल खेळाडूंवर दया नाही, बीसीसीआयनं नियमात केला मोठा बदल!
विराट-रोहितसह वरिष्ठ खेळाडूंना बीसीसीआयचे कडक आदेश, पालन न केल्यास परिणाम भोगावे लागतील!
विराट कोहलीने रायुडूला 2019 विश्वचषकातून जाणूनबुजून वगळले, माजी क्रिकेटपटूचा गंभीर आरोप