शुक्रवार रोजी (०८ ऑक्टोबर) इंडियन प्रीमियर लीग २०२१ चे शेवटचे २ साखळी फेरी सामने पार पडले. यातील पहिला सामना सनरायझर्स हैदराबाद विरुद्ध मुंबई इंडियन्स यांच्यात झाला. मुंबईने ४२ धावांनी हा सामना जिंकला. तर दुसरा सामना दिल्ली कॅपिटल्स विरुद्ध रॉयल चॅलेंजर्स बेंगलोर यांच्यात झाला असून बेंगलोरने शेवटच्या चेंडूवर दिल्लीला चितपट केले. त्यांनी ७ विकेट्सने हा सामना खिशात घातला. या सामन्यांसह प्लेऑफ पात्र संघांचे आणि गुणतालिकेचे चित्र स्पष्ट झाले आहे.
रिषभ पंतच्या नेतृत्त्वाखालील दिल्ली कॅपिटल्स संघ सर्वाधिक २० गुणांसह गुणतालिकेत अव्वलस्थानी आहे. तर चेन्नई सुपर किंग्ज ((१८ गुण), रॉयल चॅलेंजर्स बेंगलोर (१८ गुण) आणि कोलकाता नाईट रायडर्स (१४ गुण) अनुक्रमे दुसऱ्या, तिसऱ्या व चौथ्या स्थानी आहेत. या चारही संघांनी प्लेऑफमध्ये प्रवेश केला आहे.
तर दुसरीकडे सनरायझर्स हैदराबाद संघांवर पहिल्यांदाच गुणातालिकेत शेवटच्या स्थानी राहण्याची नामुष्की ओढावली आहे. आयपीएलच्या १४ हंगामांच्या इतिहासात हा संघ कधीच गुणतालिकेत आठव्या अर्थात शेवटच्या स्थानावर राहिलेला नाही. मात्र यावर्षी संपूर्ण हंगामात त्यांचे प्रदर्शन सुमार राहिले. त्यामुळे त्यांना १४ पैकी फक्त ३ सामने जिंकता आले आणि आपल्या खात्यात ६ गुणांची नोंद करता आली. परिणामी त्यांना गुणतालिकेत शेवटच्या स्थानावर समाधान मानावे लागले आहे.
हैदराबादपूर्वी बरेचसे आयपीएल संघ गुणतालिकेत तळाशी राहिले आहेत. यात यंदाच्या टेबल टॉपर दिल्ली संघाचाही समावेश आहे. विशेष बाब म्हणजे, मुंबई इंडियन्स, चेन्नई सुपर किंग्ज हे संघ आतापर्यंत कधीही गुणातालिकेत शेवटच्या स्थानावर राहिलेले नाहीत.
आयपीएलमध्ये दरवर्षी गुणातालिकेत शेवटच्या स्थानी राहणारे संघ-
२००८- डेक्कन चार्जर्स
२००९- कोलकाता नाईट रायडर्स
२०१०- पंजाब किंग्ज
२०११- दिल्ली कॅपिटल्स
२०१२ – पुणे वॉरियर्स इंडिया
२०१३- दिल्ली कॅपिटल्स
२०१४- दिल्ली कॅपिटल्स
२०१५- पंजाब किंग्ज
२०१६- पंबाज किंग्ज
२०१७- रॉयल चॅलेंजर्स बेंगलोर
२०१८- दिल्ली कॅपिटल्स
२०१९- रॉयल चॅलेंजर्स बेंगलोर
२०२०- राजस्थान रॉयल्स
२०२१- सनरायझर्स हैदराबाद
महत्त्वाच्या बातम्या-
आयपीएल २०२१चे टॉप-४ संघ मिळाले, मग यापूर्वी प्रत्येक हंगामात प्लेऑफ गाठणारे संघ माहितीय का? वाचा
बाबो.! ‘या’ खेळाडूची एक विकेट राजस्थानला पडली भलतीच महागात, पुढील हंगामात लांबूनच नमस्कार
पंचांचा ‘तो’ निर्णय मुंबईच्या बाजूने लागला आणि बुमराहच्या पत्नीची लक्षवेधी रिऍक्शन, व्हिडिओ व्हायरल
