दिल्ली | सईद मुश्ताक अली ट्राॅफी स्पर्धेत भारतीय संघातील धडाकेबाज फलंदाज सुरेश रैनाने एक खास विक्रम केला आहे. ट्वेंटी-ट्वेंटी प्रकारात ८ हजार धावा करणारा तो जगातील ६वा तर भारतातील पहिला खेळाडू ठरला आहे. त्याने आज पाॅंडेचेरी संघाविरुद्ध खेळाताना १२ धावा करत हा पराक्रम केला.
या सामन्यापुर्वी रैनाच्या नावावर ट्वेंटी-ट्वेंटी प्रकारात २९९ सामन्यांत ३३.५६च्या सरसरीने ७९८९ धावा जमा होत्या. आज त्याने केलेल्या खेळीमुळे ३०० सामन्यांत त्याच्या ८००१ धावा झाल्या आहेत.
तसेच तो ट्वेंटी-ट्वेंटी प्रकारात ३०० सामने खेळणारा केवळ दुसरा भारतीय ठरला आहे. यापुर्वी एमएस धोनीने (३०१) भारताकडून ३०० सामने खेळण्याचा पराक्रम केला होता.
सईद मुश्ताक अली ट्राॅफी स्पर्धेतच रैनाने यापुर्वीच्या सामन्यात ट्वेंटी-ट्वेंटी प्रकारातील ३०२वा षटकार मारण्याचा पराक्रम केला. ट्वेंटी-ट्वेंटी प्रकारात ३०० षटकार मारणारा तो रोहित शर्मानंतरचा (३२६) दुसराच खेळाडू आहे.
https://twitter.com/SherryPaaji/status/1099954679956598784
महत्त्वाच्या बातम्या-
–जसप्रीत बुमराह असा मोठा पराक्रम करणारा दुसराच भारतीय गोलंदाज
–टीम इंडियाने पुलवामा हल्ल्यात शहीद झालेल्या जवानांना अशी वाहिली श्रद्धांजली
–धावा केल्या २४ तरी किंग कोहलीच्या नावावर झाला हा विश्वविक्रम…
