Team India Fielding Coach T Dilip: भारतीय संघ पुढील महिन्यात इंग्लंड दौऱ्यावर असणार आहे. यादरम्यान दोन्ही संघात 5 सामन्यांची कसोटी मालिका खेळली जाईल. (India vs England 5 Match Test Series) इंग्लंड दौऱ्यावर जाण्यापूर्वी, बीसीसीआयने एक मोठा निर्णय घेतला आहे. भारतीय क्रिकेट नियामक मंडळाने टी दिलीप यांची पुन्हा एकदा क्षेत्ररक्षण प्रशिक्षक म्हणून नियुक्ती केली आहे. इंडियन एक्सप्रेसच्या रिपोर्टनुसार, टी दिलीप यांची पुन्हा एका वर्षासाठी भारताचे क्षेत्ररक्षण प्रशिक्षक म्हणून नियुक्ती करण्याचा निर्णय घेण्यात आला आहे. सपोर्ट स्टाफमध्ये बदलाचा भाग म्हणून बीसीसीआयने टी दिलीप यांची हकालपट्टी केल्यानंतर अवघ्या एका महिन्यातच संघात पुन्हा नियुक्ती केली आहे. (T Dilip appointed as India’s fielding coach once again)
रिपोर्टनुसार, बीसीसीआय परदेशी क्षेत्ररक्षण प्रशिक्षकाच्या शोधात होते, परंतु त्यांना कोणताही योग्य उमेदवार सापडला नाही. भारतीय मंडळातील एका सूत्राने पुष्टी केली की, “आम्ही दिलीप यांची एका वर्षासाठी पुन्हा नियुक्ती करण्याचा निर्णय घेतला आहे आणि तो भारतीय संघासोबत इंग्लंड दौऱ्यावर जाईल. त्यांचा करार आता एक वर्षाचा असेल.” (T Dilip to remain as Indian team’s fielding coach for one year)
???? TEAM INDIA UPDATE ????
— Johns. (@CricCrazyJohns) May 27, 2025
– T Dilip will continue as Indian fielding coach for one more year. [Devendra Pandey from Express Sports] pic.twitter.com/CPYH01ys2o
याशिवाय, रिपोर्टमध्ये असेही म्हटले आहे की भारतीय संघ प्रशिक्षक गौतम गंभीर, क्षेत्ररक्षण प्रशिक्षक दिलीप, फलंदाजी प्रशिक्षक सीतांशू कोटक, गोलंदाजी प्रशिक्षक मोर्ने मॉर्केल आणि सहाय्यक प्रशिक्षक रायन टेन डोइशेट यांच्यासोबत उड्डाण करेल. त्याच वेळी कर्णधार शुबमन गिल नंतर इंग्लंडला जाईल. गिल सध्या आयपीएलमध्ये आहे आणि त्याचा संघ प्लेऑफमध्ये पोहोचला आहे. यामुळेच गिल आता 6 जून रोजी नॉर्थम्प्टन येथे खेळला जाणारा दुसरा सराव सामना खेळू शकणार नाही. (Shubman Gill will not be able to play the second warm-up match)
गिल सध्या आयपीएलसाठी गुजरात टायटन्सचे नेतृत्व करत आहे, ज्याने एलिमिनेटरसाठी पात्रता मिळवली आहे. या स्पर्धेचा फायनल सामना (3 जून) रोजी होणार आहे आणि जर गुजरात संघ यासाठी पात्र ठरला तर 2 दिवसांत इंग्लंडमध्ये पोहोचणे कठीण होईल. त्यामुळे, 46 दिवसांच्या दौऱ्यापूर्वी संघ व्यवस्थापनाने त्याला थोडी विश्रांती देण्याचा निर्णय घेतला आहे. भारतीय संघाला इंग्लंड दौऱ्यावर पाच कसोटी सामने खेळायचे आहेत. मालिकेतील पहिला सामना (20 जून) रोजी खेळला जाईल. (The first Test match between India and England is on June 20)
