एकेकाळी पैसे उधार घेऊन खेळायचा टीम इंडियाचा हा स्टार खेळाडू! जाणून घ्या संघर्षमयी प्रवास

रिंकू सिंग आयपीएल 2023 पासून चर्चेत आला आहे. या हंगामात गुजरात टायटन्सविरुद्धच्या सामन्यात त्याने शेवटच्या षटकात सलग 5 षटकार मारून संघाला विजय मिळवून दिला होता. यानंतर रिंकूसाठी टीम इंडियाचे दरवाजे उघडले. आता तो भारताच्या टी20 संघाचा जवळपास कायमचा सदस्य आहे. पण या टप्यापर्यंत पोहोचणं रिंकूसाठी अजिबात सोपं नव्हतं. तो गरीब कुटुंबातून येतो.

रिंकूचे वडील खानचंद्र सिंग एलपीजी गॅस सिलिंडरची डिलिव्हरी करायचे. त्याच्या घरची आर्थिक परिस्थिती अजिबात चांगली नव्हती. वडील खानचंद्र सिंग हे रिंकूला क्रिकेट खेळण्याच्या विरोधात होते. रिंकू अनेकदा वडिलांपासून लपून क्रिकेट खेळायचा. भारतीय फलंदाजाच्या आईने त्याला साथ दिली असली तरी. आपल्या संघर्षाची कथा सांगताना रिंकूने सांगितले होते की, एकेकाळी तो उधारीचे पैसे घेऊन स्पर्धा खेळायला गेला होता. त्याच्या आईने त्याला दुकानातून उधारीचे पैसे दिले होते.

भारताचा माजी क्रिकेटपटू आकाश चोप्राशी बोलताना रिंकूने तिच्या संघर्षाची कहाणी शेअर केली. कथा सांगताना रिंकू म्हणाला, “वडिलांनी साथ दिली नाही, आई थोडीफार करायची. मी जेव्हा पहिल्यांदा कानपूरला हॉस्टेल टूर्नामेंट खेळायला गेलो होतो तेव्हा माझ्या आईने अशाच दुकानातून एक हजार रुपये मागून (उधारीवर) दिले. मला एक हजार रुपये.”

तो पुढे म्हणाला, “पप्पा मला क्रिकेट खेळू देत नव्हते, पापा मला खूप मारायचे. माझा भाऊ कोचिंग सेंटरमध्ये काम करत होतो. म्हणून त्याने मला नोकरीसाठी नेले. मला साफ-सफाईचे काम दिले होते ते असं ही म्हणाले की, तू सकाळी -सकाळी काम करत जा. जेणेकरुन कोणालाच कळणार नाही. एक शालेय स्पर्धा होती त्यात श्रीलंका, बांगलादेश आणि दुबईचे संघ आले होते. या  मालिकेत मला सामनावीर पुरस्कार मिळाला होता, ज्यामध्ये मला बाईक मिळाली होती. तेव्हा पासून माझ्या क्रिकेटला सुरुवात झाली”.

त्यानंतर आकाश चोप्राने रिंकूला विचारले की, जेव्हा तू आयपीएलमध्ये 80 लाख रुपयांना विकला गेला, तेव्हा घरच्यांची प्रतिक्रिया काय होती? यावर उत्तर देताना तो म्हणाला, “मी इतक्या महागात जाईन, अशी अपेक्षाही केली नव्हती. पण यामुळे घरातील सदस्य खूप आनंदी होते. या पैशांमुळे घर बांधले आहे.”

हेही वाचा-

ॲडम गिलख्रिस्टची भविष्यवाणी; हा संघ बॉर्डर-गावस्कर ट्रॉफीचा विजेता ठरणार
धोनी नंबर 2…ॲडम गिलख्रिस्टनं सांगितली जगातील 3 महान यष्टीरक्षकांची नावं; पहिला क्रमांक कोणाचा?
गिल की जयस्वाल; चॅम्पियन्स ट्रॉफीमध्ये रोहित शर्माचा जोडीदार कोण? दिग्गज क्रिकेटपटूचा मोठा दावा